вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
15.09.2016 11:22:27
Умр — карвон, дейдилар. Инсон бу йўлда эзгуликлар қилишга шошилмоғи керак. Чунки вақт шафқатсиз ҳукмини айтганда, энди кеч, у аллақачон боқий манзилига кўчган бўлади. Абубакр Мўминўғли Шектибаев ўзидан яхши ном қолдирди. Бутун онгли ҳаётини халқ таълимини ривожлантириш, миллий матбуот тараққиёти йўлида хизмат қилишга бағишлаган.
Абеке, яъни бизнинг Абубакр оғамиз 44 йил меҳнат қилиб, Томди туманининг иқтисодиёти, маданиятини юксалтиришга камтарона улуш қўшди. 1971 йилда Бухоро давлат педагогика институтини битириб келиб, ҳозирги Балиманов номли ширкат хўжалиги ҳудудидаги 6-сонли умумтаълим мактабида рус тили ва адабиёти фани ўқитувчиси вазифасида фаолият бошлаган Абеке, 1982-1987 йилларда тумандаги 21-сонли мактаб-интернат (ҳозирги 21-сонли умумтаълим мактаби)да директор лавозимида ишлади. Шундан кейин яна 6-сонли мактабга қайтиб, ушбу билим масканида 10 йилдан ошиқ вақт мобайнида ўқитувчи, ўқув-таълим ишлари бўйича директор ўринбосари вазифасини бажарган Абубакр оға Балиманов номидаги ширкат хўжалиги бошқаруви раиси ўринбосари сифатида чорвачилик соҳаси ривожи йўлида қўлидан келган хизматини аямади. Қаерда бўлмасин, жонкуярлик, фидойилик намунасини кўрсатиб, ўзининг ҳақгўйлиги, адолатлилиги, билимдонлиги ва бошқа юксак фазилатлари билан эл-юрт ҳурматини қозонди, туман ҳокимлигининг юксак эътирофига сазовор бўлди.
Абубакр Шектибаев характеридаги барча ижобий хислатлар унинг туман ҳаётининг кўзгуси бўлган — "Томди шаруагери" газетасига муҳаррир этиб тайинлангандан сўнг намоён бўлди. Эндиликда у халқ ҳаётига янада яқинроқ кириб борди. Одамларнинг қувонч ва ташвишларига шерик бўларкан, қалбида қайнаган илҳом булоғи тошиб чиқди. 1999 йилдан 2015 йилга қадар туман газетасига раҳбарлик қилган Абубакр оға мамлакатимизда амалга оширилаётган улуғвор ишларнинг мазмун-моҳиятини очиб бериш, газетанинг мазмун-мундарижасини бойитиш, унинг ўқимишли ва оммабоп бўлиши, сифатли нашр этилишига эришиш мақсадида бор куч-қувватини, билим ва тафаккурини сарфлади.Газетанинг ҳар бир янги сонини тайёрлашда тиним билмай, шогирд ва ҳамкасбларини ҳам тиндирмай ишлади. Мақола ва хабарларнинг ғоявий жиҳатдан пишиқ-пухта, мазмунан ранг-баранг чиқишида ўзининг қимматли маслаҳатларини аямади.
А. Шектибаевнинг раҳбарлик йилларида "Томди шаруагери" газетаси вилоят матбуотида ўзининг муносиб ўрнини эгаллади. Журналистлар ёзган материаллар мамлакат миқёсида ҳам эътибор топди.
Устоз мана шундай ҳаёт кечирди. Уни нафақага узатиш маросими ҳам катта тўй-тантанага, шогирду ҳамкасбларнинг дийдорлашув, ўзаро фикр алмашув кечасига айланиб кетган эди.
Бугун Абеке жисман орамизда йўқ бўлса-да, унинг пок руҳи доим биз билан яшайди.Қолдирган яхши номи, ёзган асарлари, фарзанду набиралари эл билан бирга...
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а