Таълим соҳасида амалга оширилаётган ислоҳотлар самараси бугун нафақат вилоятлар марказларида, балки энг чекка туман ва қишлоқларда ҳам яққол кўзга ташланмоқда. Эътирофга молик жиҳати, истиқлол фарзандлари ўзларига яратилган шарт-шароит ва кўрсатилаётган ғамхўрликларга жавобан интеллектуал билимдонлиги ҳамда спорт ва санъатда тенгсизлигини намоён этаётир.

Учқудуқ туманидаги 20-уму­мий ўрта таълим мактабида 1500 нафарга яқин ўғил-қиз таъ­­­лим-тарбия олмоқда. Маз­кур даргоҳ тумандаги энг на­му­­­нали мактаб, дея эътироф этил­­ган бўлиб, вилоят ва рес­пуб­­ликада ҳам ўз нуфузига эга. Мактабга тўққиз йилдирки, таж­рибали педагог Насиба  Рў­­зиева раҳ­бар­лик қилиб кел­­моқда.

— Биз ўқитувчиларни махсус им­тиҳон асосида ишга қабул қи­­ламиз, — дейди Насиба опа. — Ёш педагогларнинг касб ма­ҳорати ва малакасини оши­риш мақсадида "Устоз-шо­гирд" анъанасини давом этти­ра­япмиз. Жамоадаги ўзаро ҳам­жиҳатлик ва тотувлик қатор муваффақиятларимиз омили бўлаяпти.

Жорий йил апрелида мактаб­нинг меҳнат фани ўқитувчиси Раъно Одилова "Йилнинг энг яхши фан ўқитувчиси" кўрик-тан­­ловининг республика бос­қичида фахрли 3-ўринни эгал­лаб, Халқ таълими вазирли­ги­нинг махсус дипломи, жис­мо­ний тарбия фани ўқитувчиси Мо­­ҳигул Ўралова эса "Энг фаол иштирокчи" сертификати би­лан тақдирланди.

Барно Омонова ўқувчиларга инглиз тили фанидан сабоқ бе­ради. У 2015-2016 ўқув йи­ли­да "Йилнинг энг яхши инглиз тили фани ўқитувчиси" кўрик танловининг республика бос­қи­чида ғолиб бўлиб, Англия­да­ги нуфузли таълим даргоҳ­ла­ри­­дан бирида малака ошириш ҳуқуқига эга бўлди. Барнонинг шогирди, 6-синф ўқувчиси Одил­бек Холмирзаев эса "Инг­лиз тили билим­донлари" тан­ловида вилоятда фахрли 3-ўрин­­ни эгаллади. "Ёш таржи­мон­лар" кўрик-танловининг ту­ман босқичи ғолиблари Суҳ­роб Мирзақулов, Жавоҳир Йўл­дошев ва Малика Юсуповалар ҳам мактабнинг фахри ҳи­соб­ла­нишади.

Ўтган ўқув йилида Халқ таъ­лими вазирлиги томонидан ўт­казилган Давлат таълим стан­дартларида белгиланган та­лаб­ларнинг бажарилиши ҳо­ла­ти бўйича рейтингда мазкур мактаб ўқувчиларининг билим самарадорлиги 86,6 фоизни ташкил этди ва бу фахрланса ар­зигулик натижадир.

— Ўқувчиларимиз "Билимлар бел­лашуви" ва фан олимпиа­да­ларида ҳам муносиб иш­ти­рок этиб келишмоқда, — дея суҳ­­­ба­тимизни давом эттиради Н. Рў­зиева. — Ўтган ўқув йи­ли­да 17 нафар ўқувчимиз "Би­лим­­­лар беллашуви"нинг ви­лоят бос­қи­чида қатнашди. Жум­­ладан, 8-синф ўқувчиси Бону Кари­мова биология фа­ни­дан вилоят бос­қичида муваф­фа­қият қозо­ниб, республика бос­­қичида иш­тирок этиш им­ко­ниятига эга бўл­ди. 9-синф ўқувчиси Неъ­ма­тилло Қур­бо­нов эса "Фан олим­пиадаси"да чизмачилик фа­ни­дан вилоят ғо­либлигини қўл­га киритди. Бош­­ланғич синф ўқув­чилари ҳам қувончли на­ти­жа­ларга эриш­­­моқда. Жажжи қи­зи­миз Гулруҳ Ризаева "Баҳор юлдузи" кўрик-танловининг ту­ман ва ви­лоят босқичларида  ғо­либ бўл­ди. Фарангиз Ой­ди­нова эса "Ба­ҳор камалаги" тан­­ло­ви­да ви­лоятда олий ўрин­ни эгал­лади.

Таъкидлаш жоизки, илғор пе­дагогик технологиялар асосида билим берилаётган даргоҳда дарс­ларнинг жаҳон таълим стан­­­дартлари даражасида ўти­лиши учун барча шарт-ша­роитлар яратилган. 26 та синф­хона ҳомийлар кўмагида теле­ра­дио жиҳозлари билан таъ­мин­ланган, бошланғич синф­лар­да ўқув машғулотлари элек­­трон дарсликлар асосида ўта­япти. Ўқувчилар ихтиёри­да­ги 30 та компьютер техноло­гия­си "ZiyoNET" тармоғига улан­­­ган бўлиб, мактаб ўзининг вебсайтига ҳам эга.

Бир сўз билан айтганда, ис­тиқ­лол туфайли Қизилқум бағ­ридаги олис маконда эртанги кун эгалари ҳеч кимдан кам бўл­­­­маган шароитда билим олиб, баркамол вояга етмоқда.

Х. ҲОТАМОВА.