вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
28.09.2016 10:45:22
Аҳолига транспорт хизмати кўрсатиш соҳасидаги ислоҳотлар натижасида йўловчиларнинг узоғини яқин, оғирини енгил қилиш бош мақсад этиб белгиланган. Энг асосийси, фуқаро талабига мос сифатли транспорт хизмати кўрсатишга бўлган интилишлар қўллаб-қувватланмоқда.
Бунга соҳадаги ислоҳотларга йўл очган бир қанча ҳуқуқий ҳужжатлар асос бўлиб хизмат қилмоқда. Ўзбекистон Республикаси Президентининг "Автомобиль транспортида йўловчилар ташиш соҳасидаги тадбиркорлик фаолиятининг алоҳида турларини амалга оширишни тартибга солиш тўғрисида"ги қарори, Ўзбекистон Республикаси Вазирлар Маҳкамасининг "Йўналишсиз таксилар фаолиятини тартибга солиш чора-тадбирлари тўғрисида"ги ва "Автомобиль транспортида йўловчиларни ва юкларни шаҳарда, шаҳар атрофида, шаҳарлараро ва халқаро йўналишлар бўйича ташиш фаолиятини лицензиялаш тўғрисидаги Низомни тасдиқлаш ҳақида"ги қарорларини мисол қилиб келтириш мумкин.
Ислоҳотлар натижасида биргина вилоятимизда бугунги кунда 79 та аҳолига пуллик транспорт хизмати кўрсатувчи уюшма фаолият кўрсатиб, улардаги таксилар, автобуслар, микроавтобуслар ва юк автомобиллари аҳолининг транспорт хизматига бўлган талабини қондиришга хизмат қилмоқда.
Транспорт хизматини ташкил этишда Ўзбекистон Автомобиль ва дарё транспорти агентлигининг ҳудудий бўлими, туман ва шаҳар ҳокимликлари, ИИБ ЙҲХБ, вилоят рақобат бошқармаси, давлат солиқ хизмати органлари ўзаро ҳамкорликда белгиланган тартибда назорат қилиб боришга масъул идоралар ҳисобланади.
Транспорт хизмати кўрсатувчи корхоналарга лицензиялар ваколатли лицензияловчи орган Ўзбекистон Автомобиль ва дарё транспорти агентлиги ва унинг ҳудудий бўлимлари томонидан берилади. Муайян бир вақтга тўхтатиб турилади ёки суд томонидан берилган лицензия муддатидан олдин бекор қилинади.
Транспорт хизмати кўрсатиш сифати, техника хавфсизлик талабларига мослиги юзасидан тегишли давлат органлари томонидан мониторинг ўтказиб борилади.
Бугунги кунда кенг ва равон йўлларимизни тўлдириб қатнаётган 2 мингдан зиёд замонавий "Матиз", "Нексия", "Ласетти", "Кобалт", "Жентра", "Спарк" каби автомашиналар вилоятимиз аҳолисига сифатли такси хизматини кўрсатиб келмоқда. Юртимизда ишлаб чиқарилаётган юзлаб замонавий микроавтобуслар, автобуслардан туман ва шаҳарларда жамоат транспорти сифатида кенг фойдаланилмоқда.
Бунда давлатимиз томонидан қабул қилинган ҳуқуқий ҳужжатлар талабларига амал қилиш, ҳар бир транспорт хизмати кўрсатувчи юридик шахслар ва ҳайдовчиларнинг зиммасидаги масъулиятли вазифа эканлигини эсдан чиқармаслигимиз лозим.
А. ҚАМБАРОВ,
вилоят ДСБ ходими.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а