вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
13.06.2016 10:35:20
Иқтисодиётни янгиланишларсиз тасаввур қилиб бўлмайди. Ишлаб чиқаришда тизимли равишда модернизация жараёнларини амалга ошириш, пировардида юксак самарадорликка эришишни замон талаб этмоқда.
Навоий шаҳрида пахта толасидан ип-калава ишлаб чиқаришга ихтисослашган, қарийб 300 кишилик меҳнат жамоасига эга "Baхt-textile" Ўзбекистон-Россия-Лихтенштейн қўшма корхонаси ҳам улкан модернизация жараёнларини амалга ошириб келмоқда. Йилига 9 минг тонна сифатли ип-калава йигириш қувватига эга қўшма корхона тижорат банкидан олинган 7,5 миллион АҚШ долларилик кредит маблағлари эвазига яқинда Швейцариянинг "RIETER" ҳамда бошқа қатор компанияларнинг замонавий автоматлаштирилган дастгоҳларини келтириб ўрнатди. Натижада иш унумдорлиги икки баробарга ортди.
— Мамлакатимизда енгил саноат ривожи учун кенг имкониятлар яратилмоқда, — дейди қўшма корхона директори Фурқат Турсунов. — Жумладан, давлатимиз раҳбарининг 2015 йил 28 октябрдаги "Ўзпахтасаноатэкспорт" холдинг компанияси фаолиятини ташкил этиш чора-тадбирлари тўғрисида"ги қарори бу борадаги муҳим дастуриламал бўлмоқда. Эндиликда сифатли ва олий навли пахта хомашёсини қисқа муддатда ва шартнома шартларига асосан харид қилиш қулайликлари кенгайди. Натижада сифатли тола ишлаб чиқариш ҳажми сезиларли даражада ортмоқда.
Пахта хомашёсини тараш дастгоҳидан тортиб, тайёр калавани пиширишгача бўлган линия тўлиқ модернизация қилингач, электр энергия сарфи қарийб 30 фоизга камайди. Иш унуми эса кескин ортди. Маҳсулот сифати ҳам жаҳон стандартларига тўла мос келмоқда.ISO:9001 сифат сертификатига эга корхона маҳсулотлари Россия, Польша, Туркия ва Хитой сингари саноати ривожланган давлатларга экспорт қилинмоқда. Модернизация жараёнларидан сўнг корхонада тайёрланаётган сифатли ип-калавага жаҳон бозорида талаб кескин ортиб, маҳсулотнинг 90-95 фоизи хорижлик харидорларга етказиб берилаётир.
Фабрика маҳсулотларининг харидоргирлиги нафақат дастгоҳларга, балки ишчи-ходимларнинг малакасига ҳам боғлиқ. Шу боис, корхонада мутахассислар малакасини ошириш, амалиёт жараёнларида касб-ҳунар коллежи битирувчиларини "Устоз-шогирд" анъанаси асосида тарбиялашга алоҳида эътибор қаратилади.
— Замонавий дастгоҳларнинг афзаллиги электр энергияси тежамкорлиги, қўл меҳнатини кам талаб этиши, энг муҳими, жаҳон бозорига мос олий сифатли маҳсулот ишлаб чиқариши билан ажралиб туради, — дейди корхона бош лаборанти Мавжуда Худоёрова. — Биз ёш мутахассислар корхона нуфузини юксалтириш, сифатли маҳсулотнинг жаҳон бозоридаги муносиб ўрнини сақлаш мақсадида доимий изланмоқдамиз. Жамоамиз сафини кенгайтираётган ҳунарли ёшларга ҳам зарур билим ва кўникмаларни ўргатиб, маҳсулот сифат меъёрини сақлашга ҳаракат қилаяпмиз.
Қўшма корхонада меҳнат қилаётганларнинг асосий қисми коллеж битирувчиларидан иборат. Жорий йилда ҳам вилоятдаги касб-ҳунар коллежини тамомлаётган ёшларнинг 87 нафари билан ишга жойлаштириш бўйича шартномалар имзоланган. Энг муҳими, битирувчилар белгиланган миқдорда маош билан таъминланиб, амалиётни аъло даражада тугаллагач, синов муддатисиз фабрика ишчиси сифатида фаолиятини бошлайди.
— Коллежни тугаллаб, корхонада иш бошлашни мақсад қилганман, — дейди Навоий информатика ва электрон саноати касб-ҳунар коллежи битирувчиси Малика Ирисова. — Автоматик тарзда бошқариладиган дастгоҳларда ишлаш менга мушкуллик туғдирмаяпти. Эгаллаган билим ва кўникмаларимни ишга солиб, ўз вазифамда қизиқиш билан меҳнат қилмоқдаман. Бу ерда ишчи-ходимлар учун барча шароит яратилган. Уч маҳал иссиқ овқат, келиб-кетиш учун махсус автобуслар ташкил этилгани, янада аҳамиятли.
Нуриддин РАҲИМОВ.
Манбаа: dustlikbayrogi.uz
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а