вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Истиқлол мўъжизаси

11.09.2017 16:26:07

Қалбларга сурур, завқ бағишлаб энг улуғ ва энг азиз байрамимиз — мустақиллигимизнинг 26-йили ҳам ҳурликнинг фараҳбахш насими билан кириб келмоқда. Бугун ҳар биримизнинг чеҳрамизда шодлик, шукроналик порлаб турибди. Ўтган қисқа вақт ичида эришган ютуқларимиз, амалга оширган улкан бунёдкорлик ишларимизда истиқлол мўъжизаси акс этиб турибди. Шундай дориламон кунларни бизга бахш этган буюк неъматни қадрлаб, асраб-авайлаб келаётган халқимиз бугун байрамни зўр шодиёналик билан нишонламоқда.

30 август куни кўча ва хиёбонларни тўлдирган навоийликлар шаҳардаги Амфитеатр биноси томон ошиқдилар. Халқимизнинг энг буюк ва суюкли кунлари нишонланадиган байрамона безатилган муҳташам маскан шу куни шодлигу қувонч, ўйин-кулгилар билан тўлди.

Давлатимиз мадҳияси янграганда ўзбекона эҳтиром ила қўлларини кўксига қўйган ёшу кекса унга жўр бўлди. Жиловлаб турилган қувончу шодликлар бинони ларзага келтирди.

Вилоят ҳокими, Олий Мажлис Сенати аъзоси К. Турсунов тантанали маросимни очар экан, ҳамюртларимизни қутлуғ айём билан қизғин табриклади, халқимиз томонидан амалга оширилган ишларни фахр билан таъкидлаб ўтди.

Ўтган йиллар давомида вилоят маркази, туман ва шаҳарларимиз, қишлоқларимиз қиёфасини ўзгартириб юборган ижтимоий, маданий ва маърифий объектлар, ишлаб чиқариш корхоналари бугун ўзгача кўрк бағишлаб турибди. Маҳалла, хонадон, кўча ва хиёбонлардаги ободлик, орасталик дилларга завқ бағишлайди.

Сўнгги йилларда шаҳримизда қад ростлаган, фарзандларимизнинг севимли масканига айланган "Ёшлар маркази", "Китоб дунёси", "Китоб олами" биноси, жаҳон андозаларига мос, миллийликни ўзида мужассам этган ижтимоий объектлар, замонавий кўп қаватли тураржой бинолари, чекка ҳудудларда қурилаётган арзон ва кўркам уйлар истиқлолимизнинг ҳақиқий мўъжизасидир.

Байрам тантаналарига вилоятимиз ва пойтахтдан ташриф буюрган санъаткорлар янада завқ олиб кирдилар. Янграган куй-қўшиқлар ҳаяжону шодликларини ичига сиғдиролмаган ҳамюртларимизни даврага чорлади.

Байрам шарафига отилган мушакларнинг турфа ранглари юлдузлар мисол самога сочилганда атроф яна бир бор севинчлардан ларзага келди.

И. ХОЛБОЕВ.

Манбаа: dustlikbayrogi.uz