вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Истиқболли лойиҳалар режалаштирилди

25.01.2017 11:37:46

Ўзбекистон Республикаси Президенти Шавкат Мирзиёев мамлакатимизни 2016 йилда ижтимоий-иқтисодий ривожлантиришнинг асосий якунлари ва 2017 йилга мўлжалланган иқтисодий дастурнинг энг муҳим устувор йўналишларига бағишланган Вазирлар Маҳкамасининг кенгайтирилган мажлисидаги маърузасида бундан кейин эркин иқтисодий зоналарни кўпайтириш, мавжудларини эса янада ривожлантириш, чет эл инвестициясини жалб этиш зарурлигига алоҳида эътибор қаратди.

Маърузада "Навоий" эркин иқтисодий зонаси юзасидан ҳам фикрлар билдирилиб, уни янада ривожлантиришнинг устувор вазифаларини белгилаб берганди.

Бугунги кунда 364 гектар ишлаб чиқариш ҳудудига эга бўлган эркин иқтисодий зонада қарийб 18 та корхона фаолият кўрсатмоқда. Ҳозиргача 123,7 миллион АҚШ доллари миқдоридаги 23 та лойиҳа ўзлаштирилди. Яқин келажакда яна 26 та лойиҳа ўзлаштирилиши режалаштирилмоқда.

23 январь куни "Навоий" эркин иқтисодий зонада бўлиб ўтган тақдимот маросимида Ўзбекистон Республикаси Миллий банки вакиллари ҳамда тадбиркорлар иштирок этди. Дастлаб улар ЭИЗ ҳудудида жойлашган корхоналар томонидан ишлаб чиқарилаётган маҳсулотлар кўргазмасини томоша қилдилар. Маросимда иқтисодий ҳудудда фаолият бошлаш ва инвестиция киритиш истагидаги тадбиркорлар бу ерда яратилган шароитлар, имкониятлар ҳамда имтиёзлар ҳақида батафсил маълумотларга эга бўлишди.

Шунингдек, улар ҳудудда фаолият кўрсатаётган шуъба ва қўшма корхоналар ҳамда "Ягона дарча"нинг молия, божхона, солиқ, логистика, виза хизмат турлари билан танишдилар.

Исроил ХОЛБОЕВ.

Сурат муаллифи Жумамурот МИРЗАЕВ.