вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Истиқболли лойиҳалар иш ўринлари яратилишини кафолатлайди

07.06.2017 11:24:11

Вилоятимиздаги тадбиркорлик субъектлари томонидан бугунги кунда паррандачилик соҳасига алоҳида эътибор қаратилиб, айни пайтда соҳани янада юксалтириш борасида кенг кўламли ишлар олиб борилмоқда.

"Кармана голден эггс" МЧЖ бугунги кунда 3,2 миллиард сўмлик банк кредити олиб, Туркия давлатидан йилига 720 минг бош жўжа парваришлаш имкониятини берувчи технология келтириш ҳаракатида.

— Корхонамиз майдони 15 гектарни ташкил қилади, — дейди биз билан суҳбатда МЧЖ раҳбари А. Сувонов. — Яна 5 миллиард сўмлик кредит эвазига тухум йўналишидаги товуқларни боқиш технологиясини келтиришни ҳам режалаштирганмиз. Натижада 220 минг бош товуқ боқишни ҳам йўлга қўямиз. Лойиҳаларимиз тўлиқ амалга оширилса, йил якунига қадар 100 нафар ёшлар тўлиқ иш билан таъминланади.

Шуни айтиш керакки, тадбиркорларимиз томонидан олиб борилаётган истиқболли лойиҳаларнинг тўла амалга оширилиши бугунги куннинг муҳим талабларидан саналади. Банкларнинг кўмаги бу борадаги ишларга янада жадаллик касб этаётганлигини ҳам алоҳида таъкидлаш лозим.

О. ШУКУРОВ.

Манбаа: dustlikbayrogi.uz