вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
19.09.2017 13:04:43
Нурота туманининг Чуя қишлоғида яшовчи Мадад Маҳмирзаев солиқ борасида муаммога дуч келди. У ёққа борди, бу ёққа борди, лекин масала ўзи кутганидай ечим топмади. Ноилож туман халқ қабулхонасига мурожаат қилди. Ходимлар уни илиқ чеҳра, яхши кайфият билан кутиб олишиб, сўзларини эринмай тинглашар экан, Мадад Маҳмирзаев ўзини гўё яхши туш кўраётгандек ҳис қилди. Чунки муаммоси ўша куниёқ ҳал бўлди. Унинг хурсандчилиги ичига сиғмасди.
— Шу пайтга қадар 800 га яқин мурожаат бўлди, — дейди халқ қабулхонаси мудири Шермат Асатов. — 500 дан ортиғи ижобий ҳал этилди. Жумладан, кам таъминланган оилаларга моддий ёрдамлар кўрсатилиб, бандлик масаласида ҳам уларга керакли тавсиялар берилди.
Жорий йилнинг бошларида қабулхонага бир аёл яқинлари кўмагида ғамгин қиёфада кириб келди. Уни қийнаётган муаммо сўралганда, аёл фалаж оёғига ишора қилиб, шу пайтга қадар иккинчи гуруҳ ногиронлик нафақасини олаётгани, аммо у ишга яроқсиз эканлиги, бу бўйича тегишли ташкилотларга мурожаат қилгани, аммо натижасиз қолганини айтиб йиғлади. Ўша куниёқ аёлнинг мурожаатини ўрганиш юзасидан иш бошланди. Натижада аёл биринчи гуруҳ ногирони, деб топилиб, ҳуқуқлари ҳақида тушунчалар берилди.
Жумладан, Чуя қишлоғида ўтказилган сайёр қабул давомида бир фуқаро ўзига нисбатан ноҳақлик бўлаётганини, қўлидан ҳеч нима келмаётганини куюниб гапирди. Маълум бўлишича, туман газ идорасидан унга кутилмаганда "500 минг сўм қарзингиз бор. Агар кўрсатилган муддатда тўламасангиз, судга оширамиз", деган мазмунда хат келган. Фуқаро эсанкираб қолган ва "англашилмовчилик бўлгандир", деган ўйда идорага борган. Аммо, ҳар қанча ту-шунтирмасин, хат аслича қолаверган. Қабулхона ходимлари томонидан бу масала атрофлича ўрганилди. Натижада фуқаро бундан икки йил олдин газ тармоғидан узилгани ва шундан буён ҳеч қанақа газдан фойдаланиш ҳолатлари кузатилмагани маълум бўлди. Масала ижобий ҳал этилди.
Ҳа, энди аҳоли оиласи, иши, саломатлиги билан боғлиқ муаммога дуч келиб қолса, ўзини қаерга қўйишини билмай, иложсиз юришига ҳожат йўқ. Уларни эшитадиган, муаммоларини ҳал қилиш учун курашадиган, айнан шунинг учун ташкил этилган халқ қабулхоналари бор.
Зебо ҚУТЛИЕВА.
Манбаа: dustlikbayrogi.uz
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а