вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Ишлаб чиқариш кенгаймоқда

02.02.2017 16:56:12

Давлатимиз раҳбарининг Хоразм вилоятига бўлган сафарини кузатарканман, тадбиркорликни ривожлантириш, ишбилармонлик муҳитини янада яхшилаш, ишлаб чиқаришни кенгайтириш ҳақидаги жонкуярлик билан айтганлари юрагимдан чуқур жой олди.

Айниқса, Президентимизнинг ҳар бир хонадонда лимон, ёнғоқ экиб, мўл ҳосил олиш, уларни ўз бозорларимиздан орттириб, четга ҳам чиқариш борасидаги вилоят аҳлига билдирган таклифлари менга ҳам жуда ёқди. Бу — имконият бор, фақат одамларнинг ўзи интилиб, ишбилармонлик билан бойиса бўлади, деганидир. Хоразмликлар ҳам буни мамнунлик билан қабул қилди. Ҳудудда иссиқхона қуриб, даромад олаётганлар сони ошиб бораётгани ҳам ана шу ислоҳотлардан, деб биламан. Бундан ташқари, Урганч шаҳрида ташкил этиладиган саноат корхоналари лойиҳалари ҳам ҳудудда катта ишбилармонлик муҳити барпо этилаётганини кўрсатди. Жумладан, "Мем гилан" хорижий корхонасида инфузион қоришмалар, ампулалар, таблетка ва капсулалар ишлаб чиқариш йўлга қўйилиб, унда 200 га яқин иш ўрни яратилиши хоразмликлар учун муносиб имконият эканлигига шубҳа йўқ. Хоразмда бундай фармацевтика корхонаси йўқлиги боис, янги корхона дори воситалари нархини арзонлаштиришга хизмат қилади. Бу аҳоли учун яна бир қулайлик бўлади. Шунингдек, "Урганч махсус транс" масъулияти чекланган жамияти маиший чиқиндини қайта ишлаш лойиҳасига киришгани ҳам қувонарли. Корхонада Хитой технологияси асосида йилига 250 минг тонна чиқиндини йиғиш, саралаш ва қайта ишлаш йўлга қўйилиши шаҳар озодалигига ҳисса қўшади.

Германия ва Туркия технологиялари асосида ип-калава ишлаб чиқаришга мўлжалланган корхона фаолият бошлаши ҳам экспорт салоҳияти ошиши, янги иш ўринлари яратилишига асос бўлиши билан муҳим аҳамият касб этади. Давлатимиз раҳбарининг ҳар бир сўзи, ҳар бир амалларида халқ фаровонлигини таъминлаш, инсон манфаатларини асраш ғояси намоён бўлиб турибди. Ишонаманки, халқимиз ҳам шунга яраша меҳнат қилишда давом этади.

Воҳид ЖЎЛИЕВ,

Навбаҳор туманидаги "Эрка Шаҳриёр" хусусий корхонаси раҳбари.