вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
25.09.2014 10:21:06
Бугун юртимизда қад кўтараётган ҳар бир иншоот такрорланмас қиёфа ва янгича кўриниш касб этмоқда. Замонавий қурилиш материалларининг бунёдкорлик ишларида кенг ишлатилаётгани ана шундай имкониятларни тақдим этаётир.
Бу эса қурилишнинг асоси бўлган ғишт ишлаб чиқаришдан тортиб пардозлаш маҳсулотлари бозорини кенгайтиришни ҳам тақозо этмоқда. Жумладан, алтернатив ёқилғида ишлайдиган энергиятежамкор ғишт заводларини қуриш бугуннинг талаби бўлиб турибди.
Тадбиркорларимизнинг хориж тажрибасини ўрганиб қайтаётганлари қурилиш материаллари ишлаб чиқаришнинг янги линияларини жорий қилиш бўйича самарали ҳамкорлик шартномалари имзоланишига замин яратаяпти. Жумладан, жорий йилнинг апрель ойида навоийлик бир қатор тадбиркорлик субъектлари раҳбарлари Хитой Халқ Республикасида бўлиб қайтишган эди. Ишбилармонлар Хитойнинг қурилиш саноати соҳасида етакчи ҳисобланган "Henan Sanxiong Heavy Industry", "Quan Zhou Nan Qiao Road Construction Machinery", "Xi'an Brictec Engineering", "Huawei Machinery" каби бир нечта компания ва заводларига ташриф буюриб, бевосита тажриба ўрганиш имкониятига эга бўлишди. Шу билан бирга, ишбилармонларимиз ва мазкур хорижий компаниялар билан бир қатор шартнома ҳамда келишувлар имзоланишига ҳам эришилди.
— Ташриф чоғида замонавий технологияларнинг нечоғли энергия тежамкорлиги ва иш унумдорлиги юқори эканига амин бўлдик, — дейди биз билан суҳбатда қурилиш маҳсулотлари ишлаб чиқарувчи "Бинокор ғишт сервис" МЧЖ раҳбари А. Саидов. — Корхонамиз фаолияти 2011 йилда бошланган. Ҳозирда ойига ўртача 150-200 минг дона пишиқ ғишт ишлаб чиқараяпмиз. Шу билан бирга, корхонамиз таркибида асфальт ишлаб чиқариш йўлга қўйилган. Апрель ойида хитойлик ҳамкорларимиз билан 350 минг АҚШ доллари миқдорида шартнома имзолаганмиз. Ҳозирда бу борада муайян ишлар олиб борилаяпти. Хитойдан асфальт ишлаб чиқарадиган технологиялар келтирмоқчимиз.
Шуни алоҳида таъкидлаб ўтиш керакки, нафақат юртимиз тадбиркорлари томонидан хориж тажрибасини ўрганишга қизиқиш ортиб бораяпти, балки чет эллик қурилиш маҳсулотлари ишлаб чиқарувчи йирик корхоналар ҳам биз билан ҳамкорлик қилишга катта қизиқиш билдиришмоқда. Хусусан, ўтган ой Хитойнинг Сиян шаҳрида фаолият юритувчи "Shanxi Ibrick technology" компанияси ижрочи директори Ли Пиедонг ва бош муҳандис Ли Киушанлар вилоятимизга иш сафари билан ташриф буюришган эди. Хорижий компания вакиллари вилоятимизда фаолият юритаётган қурилиш маҳсулотлари ишлаб чиқаришга ихтисослашган етакчи саноат корхоналарига ташриф буюришди. Бундан ташқари, Навоий шаҳри, Навбаҳор, Нурота, Кармана, Қизилтепа туманларидаги тупроқнинг пишиқ ғишт ишлаб чиқаришга яроқлилик ҳолати хитойлик мутахассислар томонидан чуқур таҳлил қилинди ва ижобий баҳоланди. Сурхондарё вилоятида ишлаб чиқарилаётган кўмир тажриба сифатида ўрганилди ва унинг иссиқлик ажратиш даражаси Хитой давлатидаги кўмир ёқилғисидан бир неча баробар юқори эканлиги аниқланди. Бу эса ишбилармонларимиз учун яна бир имконият эканлиги алоҳида таъкидланди.
Музокаралар натижасида Навоий шаҳрида фаолият юритувчи "Бахор интер Осиё" ҳамда Қизилтепа туманидаги "Темурбек қурилиш сервис" МЧЖлари томонидан замонавий технологиялар келтириб ўрнатиш бўйича турли қийматдаги шартномалар имзоланди.
Бу каби ҳамкорлик шартномалари ишлаб чиқариш ҳажмининг ошишида ўзига хос муҳим омил бўлиши билан бирга, маҳсулот сифатининг яхшиланишига ҳам олиб келади, албатта.
Озод МУСТАФОЕВ.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а