вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Имкониятлар кенг, мақсадимиз улкан

19.08.2015 18:19:16

Ҳар бир соҳа замонга ҳамоҳанг тарзда ўзгариб, такомиллашиб боради. Буни, айниқса, тикувчилик касбида яққол кузатиш мумкин. Бир неча йиллар олдин Fарб мамлакатларидан кириб кела бошлаган турли дизайнларга мода сифатида қизиққан хотин-қизларимиз ҳозирда бундай кийим-кечаклар халқимизнинг менталитетига тўғри келмаслигини англай бошлашди. Шу боис бугун улар кўпроқ ўзимизнинг матолардан тикилган миллий дизайндаги кўйлагу енгчаларни, чопонларни танлашмоқда.
Тикувчилик касбини ўрганганимдан буён шу ҳунар билан машғулман. Ҳозирда "Ҳунарманд" уюшмасига аъзо бўлиб, ўз ишимни кенгроқ кўламда олиб бораяпман. 2 нафар ишчим бор. Асосан, аҳоли талаби асосида келинлар учун миллий либослар, туя жунидан чопон ва енгчалар, шунингдек, миллийлик ва замонавийликни уйғунлаштирган ҳолда янгича дизайнларда кийим-кечаклар тикамиз.
Албатта, ҳар бир ишнинг ўз машаққатлари бор. Бир дона келин чопонини тайёрлаш учун бир неча кунлаб вақтимиз сарф бўлади. Бироқ тайёрлаган маҳсулотимизни овулдошларимизнинг устида кўрганимда машаққатлар унутилади, ўз ҳунаримга бўлган меҳрим ошади.
Истиқлол йилларида мамлакатимизда ҳунармандларга катта имтиёзлар берилди, ҳақиқий меҳнатнинг баҳоси қадр топди. Истаганлар банкдан кредит олиб, ишлаб чиқариш субъекти ташкил қилмоқда ва тайёрлаган маҳсулотларини бошқа ҳудудлардаги бозорларда ҳам сотишмоқда. Биз ҳам келгусида фаолиятимизни янада кенгайтириб, овул қизларини шу ернинг ўзида ҳунарга ўргатиш ва иш билан таъминлашни мақсад қилганмиз.

Рая ОСПАНОВА,
ҳунарманд.

Манбаа: dustlikbayrogi.uz