вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Илмий таклифлар муҳокамаси

11.04.2018 22:09:36

6-7 апрель кунлари Навоий давлат кончилик институтида Ўзбекистон Республикаси Фанлар Академияси Навоий бўлими ҳузуридаги идоралараро илмий-техник кенгашнинг тўртинчи йиғилиши бўлиб ўтди.

Унда юртимизнинг бир гуруҳ олимлари, қатор олий ўқув юртлари вакиллари иштирок этди. Кенгаш раиси ўринбосари — "Навоий кон-металлургия комбинати" давлат корхонаси бош директори Қ. Санақулов бўлим жамоаси олдида турган долзарб вазифаларга тўхталар экан, унинг фаолиятини янада фаоллаштириш лозимлигини қайд этди. Хусусан, айни кунларда комбинатда қиймати 3 миллиард АҚШ долларидан иборат 27 та, "Navoiyazot" акциядорлик жамиятида қарийб 2 миллиард доллардан иборат 3 та йирик лойиҳа устида иш олиб борилаётгани, улар ишга тушгач, малакали кадрларга эҳтиёж янада ортиши таъкидланди. Шу туфайли бу масалага жиддий эътибор қаратиш ҳамда барча йўналишларда ҳамкорликни кучайтириш лозимлиги айтилди.

Йиғилиш давомида қишлоқ хўжалиги маҳсулотлари ҳосилдорлигини ошириш, қоракўл териларининг олий навларини тайёрлаш бўйича иш олиб борадиган "Қизилқум" илмий-текшириш станциясини, "Фермерлар ва олимлар" клубини ташкил этиш масалалари, шунингдек, Фанлар Академияси институтлари, олий ўқув муассасалари ва илмий марказлар етакчи олимларининг таклифлари муҳокама қилинди.