вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
13.06.2016 10:37:26
У оддий оилада туғилиб, вояга етди. Кармана туманидаги "Хончорбоғ" маҳалласида истиқомат қилиб келаётган Наврўз ва Санобар Ибрагимовлар хонадонида тўнғич фарзанд эди. Болаликнинг бир олам орзу-ҳаваслари қуршовида тенгдошлари қатори маҳалланинг тупроқ кўчаларини чангитиб ақлини таниди. Шу ёшида давраларда бел олишиб, курашга бўлган қизиқиши кучайиб борди.
2004 йил тумандаги 18-умумий таълим мактабининг 1-синфига ўқишга борганда, спортнинг бу турига бўлган иштиёқнинг янги қирралари очила борди. Дарсдан бўш пайтлари 6-сонли болалар ва ўсмирлар спорт мактабига қарашли кураш тўгарагига аъзо бўлди. Бу ерда мураббийи Равшан Муллаев ундаги иқтидорни билиб, шуғулланиш учун кўпроқ вақт ажратади. Дастлаб маҳалла, туман, кейинчалик вилоят миқёсидаги мусобақаларда бел олишиб, кураш сирларини янада пухта эгаллаб борди.
Аста-секинлик билан шоҳсупанинг юқори поғоналаридан ўрин эгаллайдиган бўлди.Хуллас, ўрта мактабда ўқиб, кураш тўгарагининг фаол аъзосига айлангач, Рўзимурод полвон бўлиб танилди. Энди у нуфузли мусобақаларда нафақат туман балки вилоят шарафини ҳам муносиб ҳимоя қила бошлайди. Республика биринчиликларида ҳам совринли ўринларни қўлга киритади.
— Рўзимурод тиришқоқ, интилувчан шогирдларимдан эди. Мактабнинг 9-синфини тугатиб, республика Олимпия захиралари коллежида таҳсил олмоқда. Келгусида ҳаётини спорт билан боғлаш ниятида Ўзбекистон давлат жисмоний тарбия институтига ўқишга тайёргарлик кўрмоқда. Шу кунгача кўплаб халқаро мусобақаларда мамлакатимиз шарафини ҳимоя қилиб келди. 2012 йил ёшлар ва ўсмирлар ўртасида ўтказилган жаҳон чемпионатда фахрли иккинчи ўринни эгаллади. 2015 йил ёшлар ва ўсмирлар ўртасида ўтказилган Осиё биринчилигида ҳам совринли ўринни қўлга киритди. Шу йилиҚозоғистонда Қапал Батир хотирасига бағишлаб 1998-1999 йилларда туғилган ўсмирлар ўртасида ўтказилган халқаро турнирда ҳам шогирдим рақибларини доғда қолдирган, — дейди устози Равшан Муллаев.
Дарвоқе, Р. Муллаевнинг юртимиз байроғини баланд кўтариб, давраларда ён бермай келаётган Р. Муқимовга ўхшаган шогирдлари ҳамон гиламларда куч синашиб юришибди. Бугун коллежни битириш арафасида турган Аббос Суюнов, Ферўз Исматуллаев, Аслиддин Болтаев сингари шогирдлари ҳам республика миқёсидаги мусобақаларда муваффақиятли иштирок этиб келишмоқда.
Айтганча, тенгсиз курашларда ён бермаган Р. Муқимовга Халқаро Олимпия қўмитасининг махсус сертификати ҳам берилган. Бу ҳам "Хончорбоғ" полвонининг истъедодига берилган юқори баҳо.
Ўткир АХТАМОВ,
маҳалла фаоли.
Манбаа: dustlikbayrogi.uz
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а