вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
02.02.2017 16:52:45
Ўзбекистон Республикаси Президенти Шавкат Мирзиёевнинг "Халқ билан мулоқот ва инсон манфаатлари йили" муносабати билан Олий Мажлис палаталарига билдирган таклифига асосан, Олий Мажлис Қонунчилик палатаси депутатлари ва Сенат аъзолари жорий йил 1-10 февраль кунлари жойларга чиқиб, аҳоли билан мулоқотда бўладилар, ташкилот ва идораларга ташриф буюриб, ҳақиқий ҳолатни ўрганадилар. Ўрганишлар асосида тегишли раҳбарларнинг ҳисоботи халқ депутатлари Кенгашлари сессиясида муҳокама қилинади.
Шунга биноан вилоятимиздан Олий Мажлис Қонунчилик палатасига сайланган депутатлар ва Сенат аъзолари февраль ойи бошида ҳудуддаги ҳақиқий аҳволни ўрганиш мақсадида Хатирчи туманида бўладилар.
Туманда парламент аъзолари аҳолининг фикрлари ва эҳтиёжларини тизимли равишда ўрганадилар, ижро этувчи ҳокимият, прокуратура, ички ишлар органлари ҳамда бошқа ташкилотлар томонидан қонун ҳужжатлари, давлат дастурлари, жумладан, ҳудудларни комплекс ривожлантириш дастурларининг ижросини, уларнинг зиммасига юклатилган вазифалар ва функцияларни бажаришга доир фаолиятни таҳлил қиладилар.
Ўрганиш натижалари халқ депутатлари туман Кенгаши сессиясида Олий Мажлис Қонунчилик палатасининг Спикери иштирокида муҳокама қилинади. Халқ депутатлари туман Кенгашида ижро этувчи ҳокимият, прокуратура, ички ишлар органлари ҳамда бошқа ташкилотлар раҳбарларининг ахбороти ва ҳисоботи эшитилиб, уларнинг масъулиятини оширишга доир тавсиялар ишлаб чиқилади. Аниқланган камчиликларни бевосита жойларнинг ўзида бартараф этиш юзасидан зудлик билан зарур чоралар кўрилади, камчиликлар, ҳуқуқбузарликларга олиб келаётган сабаб ва шароитларни бартараф этиш, юқорида номи зикр этилган идоралар фаолиятини, шунингдек, иш амалиётини тартибга солувчи қонун ҳужжатларини янада такомиллаштириш бўйича таклифлар билдирилади.
Халқ депутатлари туман Кенгаши сессияси якунлари бўйича қарор қабул қилиниб, унда фуқаролар ҳамда тадбиркорлик субъектларининг ҳуқуқлари ва қонуний манфаатларини таъминлашга доир ишларнинг ҳолатига, ўрганилган давлат органлари ва ташкилотларнинг фаолияти самарадорлигига баҳо берилади.
Мухтасар айтганда, депутатлар ва сенаторларнинг жойларга чиқишидан кўзланган мақсад, аҳоли турмуш шароитини янада яхшилаш, ҳал қилинмай турган муаммоларни бартараф этиш, халқ билан мулоқот қилган ҳолда, инсон манфаатларини таъминлашга эришишдан иборатдир.
Зафар СУЛТОНОВ,
Козим ТОЖИЕВ,
Олий Мажлис Қонунчилик палатаси депутатлари.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а