Юртимизда бунёдкорлик ишлари кўлами кенгайиши билан янги қурилаётган биноларни замонавий жиҳозлашга бўлган талаб ва эҳтиёж тобора ортиб бораётир. Пировардида маҳаллий ишбилармонларимиз томонидан импорт ўрнини босувчи ҳамда экспортбоп маҳсулотларнинг янги-янги турларини тайёрлаш ўзлаштирилмоқда. Вилоятимизда фаолият юритаётган тадбиркорлар ҳам юртимизда яратилган қулай ишбилармонлик муҳити, кўплаб имтиёзлардан самарали фойдаланган ҳолда айнан ушбу жиҳатларга алоҳида эътибор қаратишаяпти.

Навоий шаҳрида арзон, эко­ло­­гик то­за ва тежамкор алюминий ис­сиқ­лик ра­диаторлари ишлаб чиқаришга их­тисос­лаш­ган "Heating radiators" масъ­­у­лияти чекланган жамияти фао­лия­ти ҳам бунга мисол бўла олади. МЧЖ бундан беш йил муқаддам ма­ҳал­лий тадбиркор Во­ҳид Файзиев та­шаб­буси билан ташкил этилган эди. Айни пайт­да тўлиқ қувват билан ишлаётган мазкур субъект тар­кибидаги кор­хонада 55 нафар иш­чи меҳ­­нат қил­моқда. Уларнинг акса­рия­ти касб-ҳунар кол­лежларини битир­ган­­лар­дир.

— Банк сармояси эвазига Хитойдан илғор технологияларни харид қилдик, — дей­ди цех бошлиғи Аброр Файзиев. — Уларнинг ишлаб чиқариш қуввати тур­­дошларига нисбатан анча юқори. Қо­ла­верса, электр энергияни ҳам кам сарф­­­лайди. Бу эса маҳсулотимиз си­фа­тини ошириш ҳамда таннархини ка­майтириш имконини бераяпти. Ёш му­тахассис­ла­римиз қисқа муддат ичида улар­­ни бош­қаришни пухта ўзлашти­риб, кунига 3 минг дона иссиқлик ра­диатор қовур­ға­сини тай­ёр ҳолатга кел­тиришмоқда. Даст­лаб Тош­кент шаҳри­дан олиб ке­лин­ган металл энди ўзимиз­да тайёр­ла­на­япти.

Дарҳақиқат, интилиш ва изланиш му­ваф­­фақиятлар омилидир. Шундан ке­либ чи­қиб, В. Файзиев айни пайтда фао­лиятни янада кенгай­ти­риш, янги қув­ват­лар­ни ишга тушириш ҳам­­да бу ор­қали қўшимча иш ўринлари яратиш ҳара­катида. У изланувчан ва ти­ришқоқ тад­биркор­лардан. Кўплаб тан­ловларда унинг бизнес Қоялари эъти­роф этилган. Бир неча йил­дан буён "Та­шаббус" кўрик-танловида муваф­фа­қият­ли иштирок этиб, етакчи ўрин­лар­ни қўлга киритиб кел­моқда. Жа­мият му­тахассислари, хо­димлари мамла­катимизда тадбир­кор­ликка қарати­ла­ётган эътибор ва яра­ти­лаётган имкониятдан оқилона фойда­лан­ган ҳолда иқтисодиётимизни юксалти­риш­га муно­сиб ҳисса қўшиш мақ­садида, астойдил меҳ­нат қилишмоқда.

— Ўзбекистон Республикаси Прези­денти Шавкат Мирзиёевнинг 2016 йил 5 ок­тябрдаги "Тадбиркорлик фао­ли­яти­нинг жадал ривожланишини таъ­мин­лашга, хусусий мулкни ҳар томон­ла­ма ҳи­моя қилишга ва ишбилармонлик муҳитини сифат жиҳатидан яхшилашга доир қўшимча чора-тадбирлар тўғри­си­да"ги Фармони мақсадларимнинг амал­­да тўлиқ рўёбга чи­қишига янги им­ко­ният­лар яратади. У биз­ни янада фи­до­йилик билан ишлашимизга куч ба­ғиш­лайди. Фармоннинг энг муҳим жи­ҳатидан бири — 2017 йилнинг 1 янва­ридан бошлаб, тадбиркорлик субъект­лари фаолиятини режадан ташқари тек­шириш­ларнинг барча турлари бекор қилиниши белгилангани­дир. Текши­риш­­ларнинг кама­йиши каби салбий ҳо­латларга барҳам бериб, самарали фао­лият юритишимиз учун яна­да кенг им­коният яратаё­тир.­ Маҳ­сулотларимиз нафақат ўзимизда, балки Хоразм, Са­мар­қанд вилоятлари ва Қора­қалпоғис­тон Республикаси бозорларида ҳам ха­ридоргир. Келгусида алюминий иссиқ­лик радиаторларини хорижга ҳам экс­порт қилиш ниятимиз бор.

Агар дастлабки йилларда корхона маҳ­­­сулотлари вилоятимиздагина ха­ридоргир бўлган бўлса, вақт ўтиб ис­сиқлик радиаторларига бўлган талаб қўш­ни вилоятлар ҳисобига ор­тиб бора­ётганини инобатга олсак, субъект фао­лияти келгусида янада кен­гайиши ой­динлашади.

Хуршида НАРЗИЕВА.