вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Ҳар гиламки, кўзни қувнатади

23.09.2014 10:09:04

Иш бошлаганига ҳали кўп бўлмаган Навоий шаҳридаги "Ишонч гилам"Ўзбекистон-Туркия қўшма корхонасининг гиламлари харидорлар эътирофига сазовор бўлмоқда.

Президентимиз раҳнамолигида иқтисодиётни жадал ривожлантириш, ишлаб чиқаришни модернизация қилиш, хорижий инвестицияларни жалб этиш борасида амалга оширилаётган кенг кўламли ислоҳотлар ўз самарасини бермоқда. Вилоятимизда жорий йилнинг биринчи ярмида ана шу мақсадлар учун 8,8 миллион АҚШ доллари миқдорида сармоя ўзлаштирилди.

Муваффақиятли фаолият олиб бораётган "Hong hua tea", "Navoiy Milling", "Navbahor textile" каби чет эл корхоналарида чой, фосфор кукуни, калава ип тайёрланаётган бўлса, "Навоий" эркин индустриал-иқтисодий зонаси ҳудудидаги "UzHongkong" Ўзбекистон-Хитой қўшма корхонасида мобил телефонлар ишлаб чиқарилмоқда. Ушбу лойиҳаларнинг ишга туширилиши натижасида 121 та янги иш ўрни яратилди.

— "Ипак йўли" банкининг вилоят филиалидан олинган 4 миллиард сўмлик кредит маблағи эвазига фаолият бошладик, — дейди "Ишонч гилам" қўшма корхонаси директори Шавкат Холназаров. — Бу ерда меҳнат қилаётган қирқдан зиёд ишчи-ходимнинг асосий қисми ёшлардир. Компьютерлаштирилган замонавий гилам тўқиш дастгоҳларини ёшлар маҳорат билан бошқармоқда.

— Навоий информатика ва электрон саноат касб-ҳунар коллежини битириб, шу ерда дизайнер сифатида иш бошладим, — дейди Анвар Ахтамов. — Касбимга жуда қизиқаман. Бу ерда ишчилар учун барча шароит ва қулайликлар яратилган.

Бир кунда 1,5 минг квадрат метр гилам тайёрлаш қувватига эга мазкур корхона маҳсулотларини келгусида хорижга экспорт қилиш бўйича изланишлар олиб борилмоқда.

Нуриддин РАҲИМОВ.

Сирож АСЛОНОВ олган суратлар.