вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Эзгу ғояга эш саховат

04.09.2015 10:36:08

Вилоят касаба уюшмалари ташкилотлари бирлашмаси Кенгаши, "Дўстлик байроғи" ва "Знамя дружбы" газеталари таҳририяти давлат корхонаси томонидан мустақиллигимизнинг 24 йиллигига бағишлаб, Кармана туманидаги "Истиқлол" ресторанида "Бетакроримсан, ягонасан, она Ватаним — Ўзбекистоним!" деган эзгуғояни ўзида жо этган маънавий-маърифий тадбир ташкил этилди.

Мазкур учрашувда 150 нафар иштирокчига истиқлол йилларида мамлакатимизда барча соҳаларда олиб борилган ислоҳотлар натижаси сифатида эришилган ютуқларимиз тарғиб қилинди. Шунингдек, "Касаба уюшмалари — талабаларга", "Касаба уюшмалари — фахрийларга" акциялари доирасида олий ва ўрта махсус ўқув юртларида таҳсил олаётган кам таъминланган, иқтидорли 18 нафар талабага касаба уюшма стипендияси ҳамда махсус сертификат, 50 нафар ёлғиз ва ижтимоий ҳимояга муҳтож кексалар яшаётган, эҳтиёжманд оилаларнинг уй юмушларини енгиллатиш мақсадида бепул электр-маиший техника товарлари, вилоятдаги 10 нафар ногиронга ногиронлик аравачаси, 6 нафар мустақилликни мустаҳкамлаш даврида ҳалок бўлганларнинг оилаларига 200 минг сўмдан моддий ёрдам тантанали равишда тақдим этилди.

Шунингдек, тадбирда "Кексаларни эъзозлаш йили"га бағишлаб ўтказилган "Кексаларга эҳтиром" вилоят кўрик-танлови ғолиб ва совриндорларини тақдирлаш маросими ҳам ўтказилди. Ушбу танловда "Қизилтепа тонги" газетаси муҳаррири ўринбосари Баҳодир Эгамов, вилоят телерадиокомпанияси ходимлари Феруза Ўктамова, Гуландом Юнусова, Жўрақул Ишов, navoi.uz сайти ҳамда ижодкор Худойберди Наврўз ҳамда таҳририятимиз турли номинациялар бўйича тақдирланди.

Якунда вилоят маданият ва спорт ишлари бошқармаси томонидан концерт дастури намойиш этилди.

Хушнуд ЖАМОЛОВ.

Манбаа: dustlikbayrogi.uz