вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
26.07.2017 12:41:09
2017 йилнинг январида вилоятимизга ташрифи асносида Президентимиз Ш. Мирзиёев Қизилтепа туманига ҳам келиб-кетгани барчамизга маълум. "Маликобод" МФЙ ҳудудида жойлашган "Ванғози агро" фермер хўжалигида ўтказилган истиқболли лойиҳалар тақдимотида биз ҳам ўз ташаббусларимиз билан қатнашдик.
Наслчилик йўналишидаги фермер хўжалигимиз 2000 йилда Ванғози қишлоғи ҳудудида ташкил этилган. Дастлаб 36 бош қорамол парваришлаш билан иш бошлагандик. Ҳозирги кунда 150 бош мол боқилмоқда. Эндиликда собиқ "Бўстон" ҚФЙга қарашли Маликчўл ҳудудидаги "Навоий" массивининг 2-участкасида 1000 бош соғин сигир, 1000 бош наслли эчки парваришлашга мослаштирилган молхона қурилмоқда. Қурилишга мўлжалланган сумманинг 70 фоизи "Халқ банки" Қизилтепа туман филиали томонидан ажратиладиган кредит эвазига, 30 фоизи эса ўз маблағларимиз ҳисобидан сарфланади. 7 гектар атрофидаги ер майдонида умумий лойиҳа қиймати 24 миллиард сўмлик ушбу чорвачилик мажмуаси қурилиши жорий йилнинг июнь ойидан бошланди. Иншоот тез орада ишга туширилади ва 2018 йилнинг 1 апрелидан Дастурда белгиланган сут ва сут маҳсулотлари сотувга чиқарилади.
Лойиҳа қурилишида 60 нафар ишчи меҳнат қилмоқда. Жараёнда Fолиб Ҳабибов, Жамшид Бозоров, Ҳалим Ҳамроев, Носир Рашидовлар барчага намуна кўрсатишмоқда. Қурувчиларимиз ойига 1,5-1,8 миллион сўмгача маош олишмоқда. Улар кунига 3 маҳал иссиқ овқат билан таъминланган. Қурилиш материалларини асосан республикамиздан, айрим ноёб жиҳозларни эса Германия ва Туркия давлатларидан келтираяпмиз.
Эзгу ниятлар йўлида ҳалол меҳнат қилаётган фермер хўжалигимиз ишчилари янгича иш услубига мослашиш мақсадида Андижон, Самарқанд вилоятлари фермерларидан тажриба ўрганиб қайтишди. Дастур асосида хориждан энг замонавий қишлоқ хўжалиги техникалари: комбайн, 3 та "Белорусь", 1 та "Орион" трактори, экиш сеялкалари олиб келдик. Энг муҳими, мажмуамизда парваришлаш учун хориждан зотдор моллар сотиб олишни режалаштирганмиз.
Жобир ТЕМИРОВ,
"Янги аср" кўп тармоқли фермер
хўжалиги раҳбари.
Манбаа: dustlikbayrogi.uz
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а