вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
10.11.2017 15:39:09
Инсонпарварлик, саховат, бағрикенглик халқимизга хос юксак фазилатлардан саналади. Айниқса, турли байрам ва саналар арафасида улар янада ёрқин намоён бўлади.
Муҳтарам Президентимиз Шавкат Мирзиёев барча учрашув ва йиғилишларда ҳар биримизни халқимиз, хусусан, ижтимоий ҳимояга муҳтож аҳолини рози қилишга, имкон даражасида уларга ёрдам беришга, бу уларнинг фаровон ҳаётини таъминлашга замин яратишини такрор-такрор таъкидлайди. Президентимиз ва ҳукуматимиз томонидан қабул қилинаётган ҳар бир ҳужжатнинг негизида ҳам айнан шу эзгу ниятлар мужассам.
Мамлакатимизнинг қадрли ва улуғ айёмларидан бири — Ўзбекистон Республикаси Конституцияси қабул қилинган кун яқинлашиб келаётган айни кунларда жойларда ушбу байрамга қизғин тайёргарлик кўриш ва кенг нишонлаш тадбирлари амалга оширилмоқда. Жорий йилда Асосий Қонунимиз қабул қилинганига 25 йил тўлади. Қутлуғ сана муносабати билан вилоятимиз бўйлаб қатор маънавий-маърифий тадбирлар бўлиб ўтяпти.
4 ноябрь куни вилоят ҳокимлиги ташаббуси билан шаҳар ва туманларда истиқомат қилаётган имконияти чекланган бир гуруҳ фуқаролар ва уларнинг яқинлари, шунингдек, эҳтиёжманд оилаларнинг 41 нафар фарзанди Навоий шаҳрида жойлашган "Хурсанд" анжуманлар масканига таклиф этилди. Уларни вилоят, туман ва шаҳар ҳокимликлари, жамоат ташкилотлари вакиллари эҳтиром билан кутиб олдилар ҳамда яқинлашаётган улуғ сана ва айём билан самимий қутладилар. Вилоят ҳокими ўринбосари Ф. Солиев йиғилганларга вилоят ҳокими Қобил Турсуновнинг табригини ўқиб эшиттирди. Шу куни бу ерда болалар учун Хатна тўйи ташкил этилди ва уларга ҳомийларнинг совғалари улашилди, эзгу ниятлар айтилди.
Шунингдек, 100 нафарга яқин имконияти чекланган ҳамюртларимизга ногиронлик аравачалари топширилди. Улар бир пиёла чой устида ўзаро суҳбат қуриб, ташкилотчилар, ушбу тадбирга хизмати сингган барча-барчага миннатдорлик билдирдилар.
— Уч нафар фарзандим бор, уларни ёлғиз тарбияламоқдаман, — дейди биз билан суҳбатда хатирчилик Чинора Жўраева. — Ўғлим Суннатилланинг Хатна тўйини ўтказиб беришни таклиф этишганда севинчдан кўзларим ёшланди, меҳрибонликдан, қалбим шодликдан порлади. Оиламиз қувончининг чеки йўқ. Юртимиздаги бирор оила давлатимиз раҳбариятининг эътиборидан четда қолмаяпти, бу ғамхўрлик ортида қандай меҳнат ётганини тасаввур қилиш қийин. Муҳтарам Президентимиз Шавкат Мирзиёевга, барча раҳбарларимизга, сахий инсонларга чексиз миннатдорлик билдираман.
Карманалик Қурбон ака қатор йиллар мобайнида ҳайдовчилик қилди, вилоятимизнинг турли саноат корхоналари ва тураржой, маиший бинолари қурилишида фаол иштирок этди, техникаси билан бунёдкорларнинг яқин кўмакчисига айланди. Аммо бир неча йил муқаддам касаллик туфайли бир оёғидан айрилди.
— Бугун бизни ушбу масканга йиғиб, тантанали равишда қутлаб, совғалар улашишгани, яқинлар билан юз кўришиб, дилдан суҳбат қилишга имкон яратишгани учун барча ташкилотчилардан миннатдорман. Шундай дамларда жамиятда ўрнинг борлигини, хизматларингни унутишмаганини юракдан ҳис қиласан, киши. Юртимиз тинч, халқимиз доимо омон бўлсин, дея ният қиламан ҳар лаҳза.
З. Жалилова Учқудуқ шаҳрида истиқомат қилади, уй бекаси, уч нафар фарзанднинг онаси. Бугун суннат тўйини нишонлаётган ўғли Шоҳжаҳон 5 ёшга тўлди.
— Бундай юқори даражада уюштирилган тадбир ҳар қандай инсоннинг қалбини ҳам жунбишга келтиради, шукроналикка, шу юрт учун жон фидо этишга даъват этади. Шахсан менга, оиламга кўрсатаётган меҳрибонлиги учун барча саховатпеша, олийжаноб инсонларга раҳмат айтаман.
Таниқли хонанда ва ёш санъаткорларнинг жозибали чиқишлари йиғилганлар қувончи ва таассуротларини янада бойитди.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а