вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
17.07.2017 16:13:10
Мустақилликнинг дастлабки йиллариданоқ мамлакатимизда спортни, хусусан болалар спортини ривожлантиришга давлат сиёсати даражасидаги масала сифатида эътибор қаратилди. Бугун замонавий талаблар даражасидаги минглаб спорт мажмуаларида шуғулланаётган фарзандларимиз халқаро мусобақаларда ватанимиз шаънини муносиб ҳимоя қилиб келмоқда.
Қизилқум бағрида қад ростлаган Учқудуқ шаҳрида ҳам ёшларни спортга жалб қилиш борасида муайян ишлар амалга оширилаётир. Спортнинг ўнлаб турлари билан шуғулланиш имкониятларига эга бўлган "Марварид" мажмуаси сафига бундан икки йил бурун туман Болалар ва ўсмирлар спорт мактабининг фойдаланишга топширилиши учқудуқлик ёшлар учун катта имкониятлар яратди. Айни пайтда бу ерда 24 нафар мураббий 1124 нафар шуғулланувчига спортнинг 12 тури бўйича таълим бермоқда.
Ўтган қисқа вақт ичида мактабнинг ўн нафар ўқувчиси мамлакат миқёсидаги мусобақаларда совринли ўринларни қўлга киритдилар.
Бокс бўйича мураббий Илгиз Шамуратовнинг шогирдларидан Жаҳонгир Азимов ва Шоҳжаҳон Бобомуродов Термиз шаҳрида ўтказилган республика турнирида шоҳсупанинг юқори поғоналаридан ўрин олдилар. Зулфизар Адашбоева дзюдо бўйича Наманган шаҳрида ўтган мамлакат биринчилигида олтин медални қўлга киритди. Стол тенниси бўйича мураббий Ойқиз Актамованинг шогирди Алимардон Насриддинов эса Фарғона шаҳрида бўлиб ўтган республика чемпионатида биринчи ўринни эгаллади. Етти ёшли Бехрўз Исматуллаев ўтган йили шахмат бўйича республика биринчилигида барча рақибларини доғда қолдирган бўлса, шу йил Самадбек Холмаматов иккинчи ўринни олди.
Бугун минглаб ёшларни ўзига жалб этган спорт мактаби уларнинг ҳақиқий чиниқиш масканига айлангани рост.
Сирож УЗОҚОВ,
туман БЎСМ директори.
Манбаа: dustlikbayrogi.uz
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а