вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
11.09.2017 16:23:09
Жорий йилнинг 21-26 август кунлари вилоятимизда Ўзбекистон ёшлар иттифоқи вилоят Кенгаши ташаббуси билан шаҳар ҳокимлиги, маданият бошқармаси, "Маҳалла" хайрия жамоат фонди ва бошқа ҳамкор ташкилотлар билан биргаликда Ўзбекистон Республикаси давлат мустақиллигининг йигирма олти йиллиги муносабати билан "Фидойинг бўлгаймиз сени, Ўзбекистон!" шиори остида "Ёшлар ҳафталиги" ўтказилди.
Ҳафталик доирасида вилоятимизда қалам тебратиб, халқимиз кўнглидан чуқур жой олган устоз ёзувчи ва шоирлар, журналистлар, санъаткорлар, адабиётшунос олимлар, маънавият тарғиботчилари билан ҳамкорликда ёш ижодкорлар ҳамда маҳаллалардаги уюшмаган ёшлар иштирокида давра суҳбати ташкил этилди. Тадбирларда "Ўткан кунлар", "Юлдузли тунлар" асарлари бўйича баҳс-мунозарага бой бадиий кечалар уюштирилиб, "Китобхонликка янгича қадам" мавзусида викториналар намойиши бўлди. Навоий шаҳридаги "Янги ҳаёт" савдо мажмуасида "Адабиётга эътибор — маънавиятга, келажакка эътибор" шиори остида акция ташкил этилди.
Ҳафталик доирасида спорт мусобақалари ҳам ташкил этилди. "Ёшлар" спорт мажмуасида спортнинг футбол тури бўйича вилоят босқичи ғолибига айланган Кармана тумани жамоаси ва "Қизилқум" ПФК билан "Футбол шоу" ўртоқлик ўйини ташкил этилди. Ушбу "Футбол шоу"да юртимизнинг севимли хонандалари ташриф буюриб, янги концерт дастурларини намойиш этдилар.
Ҳафталик доирасида вилоят ҳокимлиги ва бир гуруҳ ҳамкор ташкилотлар билан биргаликда Навоий шаҳридаги "Хурсанд" тўйхонасида 100 нафар имконияти чекланган ёшга ногиронлик аравачаси топширилди.
Шунингдек, ҳафталик давомида Кармана туманидаги "Офтобжон" болалар соғломлаштириш оромгоҳида тарбияланаётган ички ишлар идораларида профилактик ҳисобда турувчи вояга етмаганлар ўртасидаги салбий иллатларни бартараф этишга қаратилган психологик таъсир чоралари кўриш ва тушунтириш ишларини олиб бориш мақсадида "Соғлом руҳият куни" ташкил этилди.
Бундан ташқари, ҳафталик доирасида Ўзбекистон ёшлар иттифоқини моддий қўллаб-қувватлашда фаол иштирок этаётган кичик бизнес субъектлари рағбатлантирилди. Тадбиркорлар "Энг яхши ҳамкор корхона", "Энг ёш солиқ тўловчи", "Энг намунали солиқ тўловчи" номинациялари бўйича вилоят ҳокимлигининг фахрий ёрлиқлари билан тақдирланди.
Кармана туманидаги мавжуд тарихий қадамжоларга ёшлар туризмини ривожлантириш клуби аъзолари ҳамда уюшмаган ёшлар иштирокида саёҳат ташкил этилди. "Дунё бўйлаб саёҳат" мавзусидаги интеллектуал ўйинда ҳам ёшлар фаол қатнашди.
Ҳафталик сўнгида туман, шаҳар ҳокимлари, ички ишлар бўлими бошлиқлари ҳамда "Маҳалла" хайрия жамоат фонди раисларининг ёшлар масалалари бўйича ўринбосарлари, Ўзбекистон ёшлар иттифоқининг туман, шаҳар Кенгашлари раислари ҳамда маҳалла фуқаролар йиғини раисларининг ёшлар масаласи бўйича маслаҳатчиларининг ёшларга оид давлат сиёсатининг ижроси юзасидан семинар ташкил этилиб, ҳисоботи тингланди.
Д. НАВРЎЗОВА,
жамоатчилик билан алоқалар
бўлими мудири.
Манбаа: dustlikbayrogi.uz
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а