вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Ёш кикбоксингчилар

23.11.2016 21:47:18

Кармана туманидаги "Ёшлик" ўйингоҳида кикбоксинг бўйича вилоят очиқ биринчилиги мусобақаси бўлиб ўтди. Унда туман ҳамда шаҳарлардан келган олтмишдан ортиқ ёш спортчи куч ва маҳоратини намойиш этди.

17-20 ноябрь кунлари бўлиб ўтадиган Ўзбекистон чемпионатига вилоят терма жамоаси таркибини шакллантириш, иқтидорлиларни саралаб олиш мақсадида ўтказилган мусобақада спортчилар ўн учта вазн тоифасида куч синашди. Очиқ биринчиликда шу йил Таиландда ўтказилган жаҳон чемпионати ғолиби, қизилтепалик тўққиз ёшли Элбек Ўктамов, Навоий шаҳридан Ўзбекистон чемпиони Лазиз Қаршиев ва 40 кг вазнда Музроб Негбоев ва бошқалар 1-ўринни эгаллашди.

— Яқинда Россиянинг Анапа шаҳрида бўлган жаҳон кубогида 3-ўринни қўлга киритдим, — дейди яна бир ғолиб —нуроталик ўн бир ёшли Мирож Истамтошев. — Ютуқларимда мураббийим Хайриддин Чўлиевнинг меҳнатлари катта. Келгусида Ўзбекистон кубоги мусобақаси ва бошқа нуфузли турнирларда ҳам ғалаба қозониб, устозларим ишончини оқлашга интиламан.

Мусобақа сўнгида ғолиб ва совриндорлар диплом, медаль, эсдалик совғалари билан тақдирланди.

Зулфия БОБОЕВА.