вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
07.08.2017 17:59:06
Президентимиз томонидан маданият, санъат соҳасини юксалтириш, жойлардаги маданият ва аҳоли дам олиш марказларига керакли шароитларни яратиш мақсадида бир қанча ишлар амалга оширилмоқда. Жумладан, туман маданият ва дам олиш маркази биноси ҳам янгиланиб, қулай шароитлар яратилмоқда.
Марказда учта жамоа, еттита тўгарак мавжуд. "Гули" ашула ва рақс халқ ансамбли, "Кармана юлдузлари" фольклор этнографик халқ ансамбли, "Fунча" намунали болалар жамоаси, "Ниҳол" рақс тўгараги ва бошқалар шулар жумласига киради. Марказимизда иқтидорли, истеъдодли ёшлар кўпчиликни ташкил қилади. Жумладан, 2015 йили "Миллий рақс ижрочилари" Республика кўрик-танловининг якуний босқичида "Ниҳол" рақс тўгараги қатнашчиси Динара Асадуллаева 3-ўринни эгаллади. Яна ўша йилда Қорақалпоғистон Республикасида бўлиб ўтган "Нафосат бўстоним маним" Республика кўрик-фестивалида "Гули" ансамбли қатнашчилари Улуғбек ва Ҳамза Саидовлар 2-ўринни, рақс йўналиши бўйича Навоий маданият ва санъат коллежи ўқувчиси Дурдона Зокирова 3-ўринни қўлга киритди. Ўтган йили "Ниҳол" давлат мукофотининг вилоят саралаш босқичида Д. Зокирова фаол иштирок этиб, Республика босқичида қатнашиш имконига эга бўлди. Дурдона сентябрда Хоразмда бўлиб ўтадиган халқаро рақс фестивалига иштирок этиш учун ҳозирлик кўрмоқда. Унинг онаси, балетмейстер Дилфуза Имомова марказимизнинг маҳоратли, истеъдоди баланд устозларидан саналади. У кишининг кўплаб шогирдлари вилоят, республика миқёсидаги тадбирда фаол иштирок этиб келишмоқда.
Бундан ташқари, "Fунча" жамоаси устози, кўп йиллик тажрибага эга Дилфуза Шодиеванинг ҳам ютуқларда муносиб ҳиссаси бор. Йигирма беш нафар ўғил-қиздан иборат бу жамоанинг миллий урф-одатларимиз, анъаналаримизни ёш авлодга куй-қўшиқлар билан сингдириши диққатга сазовор. Яқинда жамоа "Ягонасан, муқаддас Ватан!" Республика кўрик-танловининг вилоят босқичида қатнашиб, 2-ўринни эгаллади ва Республика босқичида иштирок этадиган бўлди.
Шунингдек, "Ниҳол" давлат мукофоти совриндори Шерзод Шодиевнинг "Анъанавий ижрочилик" тўгарагида айни пайтда ўттиз нафар ёш ижро сирларини ўрганиб келмоқда. Марказда "Ўзбекистон гуллари" ансамблини ташкил этиш учун амалий ҳаракатлар олиб борилмоқда. Ёш истеъдодларни камол топтириш йўлидаги бу ишларимиз жадаллик билан давом этаверади.
Fулом РЎЗИЕВ,
туман маданият бўлими бошлиғи.
Манбаа: dustlikbayrogi.uz
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а