вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

"Электрон ҳамён" — қулай ва самарали

04.03.2015 17:24:32

Вилоятимиздаги савдо ва хизмат кўрсатиш объектларида ўрнатилган терминаллар, банкомат ва инфокиоскалар орқали амалга оширилган ҳисоб-китоблар ҳажми ўтган йил 1130,2 миллиард сўмдан ортиқни ташкил этди.

Давлатимиз томонидан тегишли қарорларнинг амалиётга изчил жорий этилиши натижасида республикамизда жаҳон андозаларига мос банк пластик карточкалари билан ҳисоб-китоб қилишнинг мукаммал тизими яратилди.

Нақд пулсиз олди-сотди жараёнларининг тобора оммалашиб бораётганини муомаладаги пластик карточкалар ҳамда савдо ва хизмат кўрсатиш объектларида ўрнатилган терминаллар сонининг кескин ошаётганидан ҳам англаш мумкин. Бугунги кунда вилоятимиз банклари томонидан муомалага чиқарилган пластик карточкалар сони 591 мингдан ортиқ. Савдо ва хизмат кўрсатиш, коммунал тўловларни қабул қилувчи шохобчаларга ва бошқа объектларга ўрнатилган ҳисоб-китоб терминаллари сони эса 7979 тага етказилди.

Республика Марказий банки бошқаруви ва Давлат солиқ қўмитаси томонидан ишлаб чиқилган "Тўлов терминаллари билан жиҳозлаш ва аҳоли билан пул ҳисоб-китобларини амалга оширишда уларни қўллаш тартиби тўғрисида"ги Низомга асосан, савдо ва хизмат кўрсатиш объектларида банк пластик карточкалар орқали тўловларни қабул қилиш бўйича тўлов терминалларининг мавжудлиги ва улардан мажбурий равишда фойдаланиш устидан назорат солиқ органлари томонидан амалга оширилади.

Бугунги кунда вилоят давлат солиқ бошқармасининг 223-53-71 рақамли "Ишонч телефони" ташкил этилган бўлиб, пластик карточкалар орқали товарлар ва хизматлар учун тўловлар тўланаётганда асоссиз равишда нархларнинг оширилиши ёки тўлов терминали бўла туриб, пластик картадан тўловни амалга оширишдан атайлаб бош тортиш ҳоллари юзасидан фуқароларимиз мурожаат қилиши мумкин.

Айни пайтда "электрон ҳамён"нинг ҳар томонлама қулай ва самарали восита эканлиги барчага маълум. Юқорида айтилган салбий ҳолатлар юзасидан эса фуқароларимизнинг бошқарув органлари билан ижтимоий ҳамкорлиги пластик карточкалар воситасида ҳисоб-китоб қилиш тизимининг янада самарадорлигини таъминлайди.

Қандиёр ҲОСИЛОВ,

Марказий банк вилоят бош бошқармаси

бўлим бошлиғи.