вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
13.06.2017 13:09:49
Халқ депутатлари Конимех туман Кенгашининг навбатдан ташқари сессияси бўлиб ўтди. Унда Ўзбекистон Республикаси Олий Мажлиси Сенати аъзолари, Олий Мажлис Қонунчилик палатаси ҳамда маҳаллий Кенгашлар депутатлари, корхона, ташкилот раҳбарлари ва ОАВ вакиллари иштирок этди.
Сессияда ташкилий масала кўрилиб, халқ депутатлари туман Кенгаши раиси ўринбосари сайланди ҳамда тумандаги ташкилот, корхона, муассасасаларнинг ҳисоботлари тингланди.
Ўзбекистон Республикаси Олий Мажлиси Сенати раиси Н. Йўлдошев, Олий Мажлис Қонунчилик палатаси Спикери ўринбосари Б. Алихонов иштирок этган сессияда Олий Мажлис Қонунчилик палатаси депутатлари ва Сенати аъзолари томонидан жорий йилнинг 5-10 июнь кунлари Конимех туманида ҳудудни ривожлантиришнинг энг муҳим вазифаларини ҳал этишга, фуқароларнинг ҳуқуқлари ва эркинликларини таъминлашга доир ўтказилган ўрганиш натижалари муҳокама қилинди.
Шунингдек, Ўзбекистон Республикаси Олий Мажлиси Сенати ҳузуридаги ички ишлар органларининг жиноятчиликка қарши курашиш ва ҳуқуқбузарликлар профилактикаси борасидаги фаолияти устидан парламент ва жамоатчилик назоратини амалга ошириш бўйича комиссияси ҳамда унинг Навоий вилоят ҳудудий комиссияси томонидан Конимех туман ИИБнинг жиноятчиликка қарши курашиш ва ҳуқуқбузарликлар профилактикаси борасидаги фаолияти юзасидан ўтказилган ўрганишлар натижаларига ҳам алоҳида тўхталиб ўтилди.
Ўрганишлар давомида ишчи гуруҳ аъзолари тумандаги 330 дан ортиқ аҳоли хонадонларига бевосита ташриф буюриб, 27 та муаммо жойида ҳал этилганлиги, вилоят ва республика даражасида ҳал этиладиган 21 та масала белгилаб олинганлиги айтиб ўтилди.
— Туманда фаолият юритаётган мактабгача таълим муассасалари, мактабларда ёшлар учун яратилган шарт-шароитларни ўрганилди, — деди йиғилишда сўзга чиққан Қонунчилик палатаси депутати К. Тожиев. — Жумладан, тумандаги барча ижтимоий соҳа объектларида бир қатор камчиликлар аниқланиб, улар бартараф этилди. Бундан ташқари, туманда коммунал хизмат кўрсатиш соҳаси, аҳолини тоза ичимлик суви билан таъминлаш бўйича ҳам бирмунча муаммолар мавжудлиги аниқланиб, тегишли тартибда кўриб чиқилиши белгилаб олинди.
Сессияда муҳокама этилган масалалар юзасидан тегишли қарорлар қабул қилинди.
Бахтиёр ТОШНАЗАРОВ.
Манбаа: dustlikbayrogi.uz
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а