вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Буюк Ипак йўли: Хоразм ва Навоий

29.06.2015 11:16:31

Навоий давлат педагогика институти ҳузуридаги академик лицей узоқ йиллардан буён Хоразм Маъмун академияси билан ҳамкорликда фаолият олиб боради. Академияда ўтказилган "Буюк Ипак йўлидаги қадимий маданий марказлар: Хоразм ва Навоий" мавзусидаги илмий-амалий конференцияда мазкур академия қошидаги Ёш олимлар кенгаши ва "Кичик академия" аъзолари, Урганч давлат университети қошидаги 4-сон академик лицейи ўқувчилари билан биргаликда НДПИ ҳузуридаги академик лицей ўқитувчи ва ўқувчилари ҳам иштирок этдилар.

Тадбирни Хоразм Маъмун академияси раиси Ш. Қодиров кириш сўзи билан очиб, ушбу илмий масканнинг тарихи ҳақида тўхталиб ўтди. "Дар ул ҳикма ва маърифа" номи билан ташкил этилган мазкур йирик илмий масканда ўз даврининг долзарб муаммолари устида олиб борилган илмий изланишлар эътироф этилди. Шунингдек, Ёш олимлар кенгаши ва "Кичик академия" раиси М. Абдуллаев Буюк Ипак йўли тизимида Хоразм ҳудудининг аҳамияти хусусида ўз мулоҳазаларини баён этди.

НДПИ ҳузуридаги академик лицей ўқитувчиси Л. Мирзаев йиғилганларга Навоий вилоятининг қадимий тарихи ва замонавий ривожи хусусида маълумот берди. Ушбу заминнинг қадимда ва ҳозирдаги инфратузилмаси, бугунги кунда вилоятда олиб борилаётган кенг кўламли ишлар ҳақидаги фикрлар йиғилганларда катта таассурот қолдирди.

Конференция доирасида иштирокчилар Хива шаҳридаги "Очиқ осмон остидаги музей" номини олган "Ичан қалъа" тарихий мажмуасини ҳам зиёрат қилишди.

Жавоҳир НАВРЎЗОВ,

лицей ўқувчиси.

Манбаа: dustlikbayrogi.uz