вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
06.02.2015 20:03:26
Истиқлол боис қадр-қимматига эга бўлиб, манглайига ҳурлик шамоли теккан халқимиз бугун мана шундай мезонлар билан яшамоқда. Инсон қачон ўзини бахтли ҳисоблайди? Қачонки, юрт тинч, тан саломат ва киши ўзи севган касбда меҳнат қилса. Бугунги кунда мамлакатимизда аҳолига муносиб иш ўринлари яратиш орқали уларнинг турмуш шароитини яхшилашга алоҳида эътибор қаратилмода. Зеро, бу масала давлатимиз сиёсатининг энг устувор йўналишларидан биридир.
Юртимизда кейинги йилларда мавжуд корхоналарни модернизация қилиш ва ишлаб чиқариш кўламини ошириш, янги объектлар барпо этиш, кичик бизнес ва хусусий тадбиркорликни ривожлантириш эвазига минглаб иш ўринлари яратилмоқда. Доимий бандлиги таъминланаётганларнинг аксарияти касб-ҳунар коллежлари битирувчилари эканлиги қувонарлидир. Президентимиз мамлакатимизни 2014 йилда ижтимоий-иқтисодий ривожлантириш якунлари ва 2015 йилга мўлжалланган иқтисодий дастурнинг энг муҳим устувор йўналишларига бағишланган Вазирлар Маҳкамасининг мажлисида"Аҳоли бандлигини таъминлаш, аввало, касб-ҳунар коллежлари ва олий ўқув юртлари битирувчиларини ишга жойлаштириш бўйича зарур шароитлар яратиш ижтимоий сиёсатимизнинг энг муҳим устувор йўналиши бўлиб қолади. Ишлаб чиқаришни модернизация қилиш ва янгилаш, транспорт ва муҳандислик-коммуникация инфратузилмасини ривожлантириш, кичик бизнес ва хусусий тадбиркорликни тараққий эттиришни қўллаб-қувватлаш дастурларини амалга ошириш натижасида 2014 йилда мамлакатимизда 1 миллионга яқин иш ўрни ташкил этилди. Уларнинг 60 фоизи қишлоқ жойларда яратилганлиги айниқса, эътиборлидир", дея таъкидлаган эди.
Ўтган йили аҳоли бандлигини таъминлаш борасидаги ишлар вилоятимизда ҳам изчиллик билан амалга оширилди.
— Режага мувофиқ вилоятимизда 41 минг 39 та янги иш ўрни яратиш белгиланган эди, — дейди вилоят Меҳнат ва аҳолини ижтимоий муҳофаза қилиш бош бошқармаси бошлиғи Ҳамид Жумаев. — Йил якунига келиб, 41 минг 360 та иш ўрни яратилди. Доимий бандлиги таъминланганларнинг 11 минг нафарга яқини коллеж битирувчиларидир. Аҳолининг бандлигини таъминлаш мақсадида ҳамкор ташкилотлар билан биргаликда 42 маротаба бўш иш ўринлари меҳнат ярмаркалари ўтказилди. Мазкур ярмаркаларда НКМК, "Qizilqumsement" АЖ, "Навоий ИЭС" ОАЖ, "Навоий" ЭИИЗ каби йирик корхоналар қаторида туман ва шаҳарларда фаолият кўрсатаётган ташкилотлар ҳам муносиб иштирок этдилар. Ушбу ярмаркаларда хотин-қизлар ва коллеж битирувчиларининг бандлигини таъминлашга алоҳида эътибор қаратилди. Натижада 1225 нафар ёш меҳнат ярмаркалари орқали ўз мутахассисликлари бўйича ишга жойлашиш имкониятига эга бўлдилар.
Айни кунда "Навоий" эркин индустириал-иқтисодий зонасида меҳнат қилаётган Асрор Юнусов ҳам бўш иш ўринлари меҳнат ярмаркаси орқали ўз ишини топганлардан.
— 2014 йил июль ойида Навоий педагогика ва хизмат кўрсатиш касб-ҳунар коллежида ўтказилган меҳнат ярмаркасида иштирок этиб, "Навоий" ЭИИЗга ишга кириш учун йўлланма олгандим, — дейди у. — Ҳозирда мана шундай корхонада меҳнат қилаётганимдан хурсандман. Тўғриси, менга тенгдошларимнинг ҳаваси келади. Биз ҳам мана шундай корхоналарда ишласак, дея ният қилувчилар ҳам бор. Ойлик маошларимиз етарли. Ишлашимиз учун барча шароитлар яратилган. Юртимиз ривожига оз бўлса-да, ҳисса қўшаётганимдан мамнунман.
Аҳоли бандлигини таъминлаш, айниқса, хотин-қизларга уй шароитида иш ўринлари ташкил этиш, касаначилик ва оилавий тадбиркорликни ривожлантиришда тижорат банкларининг ҳам муносиб улуши бўлди.
Хусусан, ўтган йили вилоят тижорат банклари томонидан тадбиркорлик субъектларига 384,8 миллиард сўмлик кредит маблағлари ажратилди. Натижада, вилоят бўйича 12470 та янги иш ўрни очилди. Айниқса, хотин-қизлар тадбиркорлигини қўллаб-қувватлаш учун 35 миллиард сўм имтиёзли кредитлар ажратилди. Тижорат банкларининг кредитлари эвазига ўз фаолиятини ривожлантирган "Томди Файз Барака" ҳамда "Қизилқум Импекс" МЧЖларининг фаолияти эвазига 50 га яқин иш ўринлари яратилди.
Жорий йилда ҳам аҳоли бандлигини таъминлаш борасидаги бундай эзгу ишлар давом эттирилади.
Илҳом САТТОРОВ.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а