вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Бугунги депутат қандай ишлар билан банд?

17.07.2015 10:47:22

Халқнинг ишончини елкасига олиб, депутатлик номига муносиб бўлишга интилаётган юртдошларимиз бугунги кунда кўплаб хайрли ишларни амалга оширмоқда. Натижада эса аҳоли орасида ободлик ва саховатга йўғрилган саъй-ҳаракатларнинг сони кўпайганини, ечимини кутаётган муаммолар бартараф этилаётганини алоҳида эътироф этиш жоиз.

Навбаҳор туман Кенгашининг бир гуруҳ депутатлари ҳам эзгу мақсадлар йўлида элнинг ҳизматига бел боҚлашган. Хусусан, "Арабхона" сайлов округидан сайланган Умматқул Саломовнинг фаолиятида ҳудудни ободонлаштириш ва ижтимоий масала муҳим аҳамият касб этган. Унинг фаол ҳаракати билан "Арабхона" маҳалла фуқаролар йиғинида жойлашган қабристонга борадиган 830 метрли йўл тўлиқ таъмирланди. Шунингдек, "Кўҳрон" маҳалласида янги қурилган 30 дан ортиқ хонадонни электр энергияси билан таъминлаш мақсадида трансформаторлар ўрнатилди.

Жонкуяр депутатларимиздан яна бири Умида Суярова эса ўз ишида асосан ёшлар, айниқса қизларнинг тарбиясига алоҳида эътибор қаратган. Қизларнинг жамиятда ўз ўрнига эга бўлиши, касбини тўғри танлаши, эрта турмушнинг салбий оқибатлари, одам савдоси каби мавзуларда мунтазам давра суҳбатлари уюштирилмоқда. Маҳалла оқсоқоллари, кайвони ва отинойилари билан ҳамкорликда тўй-маъракаларни ихчамлаштириш, бу борада исрофгарчиликка йўл қўймаслик масаласида ҳам тарғибот ишлари кучайтирилган. Бундан ташқари, "Кексаларни эъзозлаш йили" муносабати билан "Fужбоғтепа" маҳалласида яшовчи нуронийларни Нурота шаҳрига зиёрати ташкил этилди.

Навбаҳор туман Кенгаши депутати Фурқат Жамилов ҳам ўз фаолиятида ёшларнинг бандлигини таъминлаш борасида хайрли ишларга бош бўлди. Хусусан, 10 нафардан ортиқ ёш тумандаги "Жалолиддин" фермер хўжалигига ишга жойлаштирилди. Шунингдек, ҳудуддаги ички йўлларнинг таъмирланишида ҳам депутатнинг саъй-ҳаракати муҳим аҳамият касб этган.

Маҳаллий Кенгаш депутатларидан яна бири Норқобил Қобилов томонидан "Ялтиработ" маҳалласидаги "Fойиб ота" қабристонининг ободонлаштирилиши хайрли ишлардан бири бўлди. Бу тадбирларда фаол иштирок этган фуқароларга ҳудуддаги фермер хўжаликлари ҳисобидан совға-саломлар берилишига кўмаклашилди.

Сурайё МАНСУРОВА,

Ўзбекистон "Адолат"СДП вилоят Кенгаши раиси ўринбосари.