вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
25.05.2015 08:54:01
Ўзбекистон ёшлари — дунёнинг энг бахтли фуқаролари. Бугун бу фикрни ҳеч иккиланмай, баралла айтиш мумкин.
Дарҳақиқат, юртимизда келажак ворисларининг илм олиши, касб-ҳунар эгаллаши, жамиятда ўз ўрнини топиши ва бахтли турмуш кечириши учун барча имкониятлар яратилган. Уларни моддий-маънавий қўллаб-қувватлаш, истеъдодини ривожлантириш мақсадида қатор чора-тадбирлар амалга оширилмоқда. Ўн икки йиллик мажбурий таълимнинг жорий этилиши ҳам шулар жумласидандир.
Бизнинг Зарафшон саноат касб-ҳунар коллежини 2014-2015 ўқув йилида "Ер усти транспорт тизими", "Кончилик электромеханикаси", "Асбобсозлик", "Электроэнергетика", "Пайвандлаш, ишлаб чиқариш машиналари ва технологиялари", "Муҳандислик коммуникациялари қурилиши ва монтажи коммуникацияси", "Технологик машиналар ва жиҳозлар" ҳамда "Кончилик иши" каби саккиз йўналиш бўйича жами 356 нафар йигит-қиз тугалламоқда. Уларни иш билан таъминлаш мақсадида, НКМК корхоналари билан уч томонлама шартномалар имзоланди. Айни пайтда ўқувчиларимиз Шимолий ҳамда Марказий кон бошқармаларида амалиёт ўташмоқда. Ўқувчиларнинг амалиёт ўташида кенг имкониятлар яратилган, улар ўзлари келгусида ишлайдиган корхона жамоасига, у ердаги ишлаб чиқариш шароитига мослашади, замонавий техника ва технологиялар билан танишади. Устоз-шогирд анъанасига кўра, ўзларига бириктирилган тажрибали мутахассислардан касб сир-асрорларини ўрганади.
Яқинда коллеж битирувчилари, ота-оналар, иш берувчи корхона раҳбарлари, жумладан, Марказий кон бошқармаси ходимлар бўлими бошлиғи В. Коренев, Марказий кон бошқармаси Ўқув маркази директори У. Норов, Зарафшон қурилиш бошқармаси кадрлар бўлими нозири Х. Саидова иштирокида учрашув ташкил этилди. Тадбирда ўқувчилар ва уларнинг ота-оналарига корхоналарда яратилган шарт-шароитлар ва имтиёзлар тўғрисида керакли маълумотлар берилди.
Шунингдек, ўз бизнесини йўлга қўймоқчи бўлган талабалар учун банк мутахассислари билан учрашув ташкил этилиб, имтиёзли кредит турлари, кредит ҳужжатларини тайёрлаш тартиблари тўғрисидаги маълумотлар тақдим этилди.
Бугунги битирувчи — эртанги мутахассис. Унинг етук кадр бўлиши учун таълим муассасалари масъул бўлса, бандлигини таъминлашда ижтимоий ҳамкорлик муҳим аҳамият касб этади. Коллежимиз маъмурияти саноат корхоналари ва тижорат банклари билан ана шундай ҳамкорлик асосида ҳар бир битирувчини эгаллаган мутахассислиги бўйича иш билан таъминлашга эътибор қаратмоқда.
Эркин ДАВЛАТОВ,
Зарафшон саноат касб-ҳунар коллежи ишлаб чиқариш таълими бўйича директор ўринбосари.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а