вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

БЎСМдан халқаро майдонлар сари

26.08.2017 15:04:23

Шундай дейишга тўла асосимиз бор. Чунки кейинги йилларда ёшларимизнинг спорт соҳасида эришаётган ютуқлари салмоғи йилдан-йилга ортиб бораётганлигида ҳам бу ўз аксини топаётир. Бугунги кунда тумандаги болалар ва ўсмирлар спорт мактабида ўнта спорт тури бўйича 722 нафар ўқувчи 22 та гуруҳда мунтазам шуғулланиб келмоқда. Машғулотлар олиб бораётган 20 нафар ўқитувчи-мураббийнинг 13 нафари олий маълумотли мутахассис бўлиб, 19 нафари махсус сертификатга эга.

Агар жорий йилнинг ўтган даврини таҳлил қилиб кўрадиган бўлсак, қилаётган меҳнатларимиз натижасини кўрамиз. 26 нафар ўқувчи вилоят миқёсидаги мусобақаларда 1-ўринни, 12 нафари 2-, 15 нафари 3-ўринни эгаллаган бўлса, бир ўқувчимиз республика миқёсидаги мусобақада 3-ўринни эгаллади. Бир нафар ўқувчимиз эса халқаро турнирда фахрли 3-ўринни қўлга киритди.

Бокс бўлими шуғулланувчиси Беҳзод Қобилов Урганч шаҳрида ўтказилган Ўзбекистон чемпионатида совринли ўринни эгаллади. Шу бўлимда шуғулланувчи Умирзоқ Ачилов эса 2017 йилнинг 18-21 январь кунлари Россиянинг Оренбург шаҳрида бўлиб ўтган халқаро турнирда 56 килограмм вазн тоифасида мамлакатимиз терма жамоаси таркибида иштирок этиб, Арманистон, Қозоғистон ва россиялик рақибларини мағлуб этди ҳамда бронза медалини қўлга киритди. Шу йил Fиждувон шаҳрида бокс бўйича ўтказилган 2004-2005 йилларда туғилган ўсмирлар ўртасидаги республика миқёсидаги БЎСМ очиқ биринчилигида Ш. Ачилов ўз вазн тоифасида шоҳсупанинг юқори ўрнини банд этган бўлса, Б. Зоиров, Ж. Кенегесов, Т. Мансуровлар ҳам ўз маҳоратларини намойиш этиб, совриндорлар сафидан жой олишди.

Жорий йил май ойида стол тенниси бўйича Бухоро шаҳрида Ўзбекистонда хизмат кўрсатган мураббий Ш. Мўминов хотирасига бағишлаб ўтказилган VIII анъанавий республика мусобақасида С. Маҳмудова, А. Халиқова, М. Ибришев, А. Турсунбаевалар вилоятимиз шарафини муносиб ҳимоя қилиб қайтишди. Бокс бўлими шуғулланувчиси У. Ачилов "Баркамол авлод — 2017" республика финал босқичида муносиб иштирок этиб, фахрли 3-ўринни қўлга киритди ва вилоят ҳокими томонидан икки миллион сўм пул мукофоти билан тақдирланди. Ундан ташқари, ўқувчиларимиз мамлакат биринчилиги, халқаро мусобақаларда иштирок этиш учун мунтазам машғулот йиғинларига таклиф этилади.

Мамлакатимиз ёшлари учун яратилаётган имкониятлардан фойдаланиб, фаолият турини янада кенгайтириш режамиз бор. Янги ўқув йилидан бадминтон тўгарагини очмоқчимиз. Президентимиз томонидан ёшларимизга қаратилаётган эътибор, ишонч, яратилаётган имтиёзлар, албатта, фарзандларимизни интилувчанликка, билим, спорт, санъат чўққиларини эгаллашга даъват этади.

К. КАРАБАЕВ,

БЎСМ директори.

Манбаа: dustlibayrogi.uz