вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
27.08.2015 15:38:44
Ўтган йили тумандаги "Истиқлол" касб-ҳунар коллежида таҳсил олаётган чоғидаёқ Намозбой Михчанов тадбиркор бўлишни ният қилган эди. Бунинг учун, аввало, бозорда қайси маҳсулотга эҳтиёж катта эканлигини кузатиш керак, кейин аниқ режа билан иш тутиш лозим. Ана шундай ўй-хаёлларни кўнглидан ўтказган йигит бозорда энг харидоргир маҳсулотлардан бири — қурилиш материаллари эканлигига амин бўлди. Кўп ўтмай, коллежни битиргач, ўзининг кичик бизнесини йўлга қўйди.
— Халқимизга хос бўлган фазилатлардан бири яратувчанлик ва бунёдкорлик, — дейди ёш тадбиркор биз билан суҳбатда. — Бугун шаҳар, қишлоқларимизнинг қиёфаси тубдан ўзгариб, замонавий ва кўркам қиёфа касб этиб бораётганига барчамиз гувоҳмиз.
Катта иштиёқ билан 15 турдаги брусчаткалар ишлаб чиқаришга мўлжалланган "Козим Навоий" хусусий корхонасига асос солинди. Бунинг учун АТИБ "Ипотека-банк" вилоят бўлимидан 60 миллион сўм миқдорида кредит олинди.
— Ҳозирда олинган кредит маблағини деярли тўлаб бўлдик, — дейди иш юритувчи Икром Қодиров. — Маҳсулотларимизнинг бозори чаққон. Харидорлар корхонанинг ўзида, ўз хоҳишига қараб, буюртма бериб, олиб кетишаяпти. Асосий мижозларимиз эса қурилиш фирмалари.
"Козим Навоий" хусусий фирмасининг кўркам кўриниш ва шаклга эга брусчаткалари яқин кунлардан бошлаб, дўкон ва бозорлардан ташқари, биржа савдоларига ҳам қўйилди.
Айни пайтда кичик корхонада 5 нафар ишчи доимий иш ўрнига эга бўлиб, улар учун барча шароитлар яратилган. Муҳими, аҳил жамоанинг меҳнати ҳар жиҳатдан муҳофазаланган бўлиб, ҳар қандай юмушни бажаришда ҳеч бир муаммога дуч келмайдилар.
Баъзан ота-боболаримизнинг неча асрлар давомида бизга мерос бўлиб келаётган иншоотлари, тарихий обидаларига назар ташлаб, уларнинг бу қадар умрбоқийлиги сири нимада экан, деган фикр кўпчилигимизнинг хаёлимиздан ўтган бўлса, ажаб эмас. Биз эса кичик корхона фаолияти билан танишиб, бу жумбоқнинг сирини англагандек бўлдик. Зеро, табаррук она заминнинг бағридан олинган тупроқ ва азим Зарафшон дарёси сувларига қориштириб тайёрланган лой сахий қуёш нурларида обдан пишитилса, албатта, пишиқ ва ҳар қандай табиий шароитларга мос тайёр маҳсулотга айланади. Ёш тадбиркор Намозбой Михчановнинг эса фаолияти ҳали бундан ҳам кенгайиб, ўз мавқеига эга бўлиб боришига шубҳа йўқ.
Нигора РЎЗИЕВА.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а