вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

"Биз гиёҳвандликка қаршимиз"

11.07.2016 12:11:27

Навоий тиббиёт коллежида 1-сон БЎСМ томонидан "Соғлом она ва бола йили"га бағишлаб, "Биз гиёҳвандликка қаршимиз" шиори остида футбол бўйича Республика турнири ўтказилди. Унда Фарғона, Жиззах, Бухоро, Хоразм ва Навоий вилоятидан келган 24 та футбол жамоаси ғолиблик учун кураш олиб борди.

2002-2003 ва 2004-2005 йилларда туғилган ўсмирлар ўртасидаги ўйинларда ҳар бир жамоа ғолиблик сари ғайрат ва иштиёқ билан интилди. Яқинда Фарғонада 11-12 ёшлилар ўртасида ўтказилган "Fунча" Ўзбекистон чемпионатида фахрли 3-ўринни эгаллаган 1-БЎСМ жамоаси бу галги турнирда ҳам ғолиб бўлиш иштиёқида майдонга тушди. Турнир ўйинлари шиддатли ва кескин руҳда кечди. 2002-2003 йилларда туғилганлар ўртасидаги мусобақада вилоятимиз жамоаси ўзига билдирилган ишончни оқлаб, рақибларини ортда қолдиришга муваффақ бўлди. Фарғона футбол мактаб-интернати ва Бухоро вилояти ўсмирлари кейинги ўринларни қўлга киритдилар.

2004-2005 йилларда туғилганлар мусобақаси ҳам муросасиз тус олди. Ўйин давомида водийлик ёш футболчиларнинг маҳорати рақиб жамоаларидан юқори экани сезилиб турди. Fолиблик ва совринли ўринлар ҳам водийликлар — Учкўприк туман БЎСМ жамоаси, марғилонлик ва қўқонлик спортчиларга насиб этди. Турнир якунида барча ғолиб жамоалар диплом, эсдалик совғалари билан тақдирланди.

Зулфия БОБОЕВА.