вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Бадминтон

11.01.2017 19:26:15

Навоий шаҳридаги 16-сонли давлат ихтисослаштирилган умумтаълим мактабида бадминтон бўйича "Камолот" кубоги" мусобақасининг вилоят босқичи ўтказилди. Ёш авлодни соғлом турмуш тарзига тарғиб этиш, спортнинг бадминтон турини кенг оммалаштириш мақсадида ўтказилган мусобақада туман, шаҳар босқичларида ғолиб бўлган 12 ёшли ўғил ва қиз болалар қатнашишди.

Қизғин кечган ўйинда ўғил болалар ўртасида Навбаҳор туманидаги 5-сонли мактаб ўқувчиси Хумоюн Худойбердиев ғолиб, деб топилди. 2-ўрин нуроталик Фирдавс Намозов, 3-ўрин қизилтепалик Аҳрор Амоновга насиб этди.

Қизлар ўртасида ҳам ғолибликни Навбаҳордаги 5-умумтаълим мактабидан Лола Раҳмонқулова эгаллади. Қизилтепадан Сарвиноз Каримова, Нуротадан Нилуфар Суннатовалар кейинги ўрин соҳиби бўлишди. Умумжамоа ҳисобида Навбаҳор тумани жамоаси 1-ўрин билан тақдирланди. Қизилтепа, Нурота туман жамоалари 2-, 3-ўринларга лойиқ, деб топилди.

Якунда ғолиб ва совриндорларга диплом, эсдалик совғалари топширилди.