вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
13.08.2015 09:54:28
Вилоятимизда Ўзбекистон Республикаси табиатни муҳофаза қилиш давлат қўмитаси ҳамда "Экосан" экология ва саломатлик хайрия жамоат фонди ҳамкорлигида оммавий ахборот воситалари вакиллари учун экологик медиатур ташкил этилди.
Вилоят бўйлаб давом этган экосаёҳатда журналистлар атроф-муҳит муҳофазаси ва барқарор ривожланиш соҳасида олиб борилаётган ишлар билан яқиндан танишди.
Юртбошимиз раҳнамолигида экологик барқарорликни таъминлаш, атроф-муҳитни муҳофаза қилиш, фауна ва флораларнинг хилма хиллигини таъминлаш, яшиллик оламини асрашга алоҳида эътибор қаратилмоқда. Бунда табиий ресурслардан оқилона фойдаланиш, саноатда хомашёни қайта ишлаш жараёнида атмосфера ҳавоси тозалигини таъминлаш етакчи вазифа саналмоқда. Айниқса, модернизация ва реконструкция ишлари, инновацион технологияларни амалиётга жорий этиш бу борадаги ишларда муҳим омил бўлмоқда.
— Экомедиасаёҳатда оммавий ахборот воситалари вакиллари мамлакатимизда атроф-муҳитни муҳофаза қилиш борасида олиб борилаётган ишлардан хабардор бўлиш ҳамда бой табиатимизнинг бетакрорлигини янада кенгроқ намоён этиш имкониятига эга бўлди, — дейди Ўзбекистон Республикаси табиатни муҳофаза қилиш давлат қўмитаси тарғибот-ташвиқот ва ахборот хизмати бош мутахассиси Маъмура Толипова. — "Масс-медиа ва экология: барқарор ривожланиш мақсадларида ҳамкорлик" лойиҳаси доирасида ўтказилаётган мазкур тадбир йирик саноат тармоқларида атмосфера мусаффолигини таъминлаш, табиий ресурслардан оқилона фойдаланиш ҳамда наботот ва ҳайвонот олами популяциясини янада ривожлантиришда муҳим омил бўлмоқда. Айниқса, республикамизда соҳага оид меъёрий-ҳуқуқий асосларнинг мустаҳкамланаётгани алоҳида эътирофга лойиқ.
Экомедиатур доирасида вилоятнинг Тўдакўл сув ҳавзасига саёҳат уюштирилди. Иштирокчилар кўлнинг табиий флора ва фаунаси билан танишиб, ўсимлик ва ҳайвонот оламини ҳимоя қилиш йўлидаги изланишлардан хабардор бўлди. Хусусан, бугунги кунда мазкур сув ҳавзасида интенсив усулда ноёб балиқ чавоқларини парваришлаш, ёввойи ўрдак турларини кўпайтиришга алоҳида этибор қаратилаётир. Кўлда "Aqua-Tudakul" Ўзбекистон-Америка қўшма корхонаси томонидан Африка лаққа балиғи ҳамда бошқа кўплаб турлар интенсив усулда кўпайтирилаётир. Корхона томонидан махсус замонавий инкубация цехларининг ташкил этилгани инновацион лойиҳалардан биридир. Айни пайтда сув ҳавзасининг қушлар оламини бойитиш мақсадида, ёввойи ўрдаклар парваришлаш ва кўпайтиришга ихтисослашган "Яшил диёр" хусусий питомниги ташкил этилди. Эндиликда кўлнинг табиий ресурслари янада кенгаяди.
Экомедиатур иштирокчилари Қизилқум кенглигидаги Жарақудуқ дарасида жойлашган ноёб табиий ёдгорлик мажмуаси — Тошўрмон дарасига ташриф буюрди. Дарада тошга айланган ўсимлик, ҳайвон суяклари ва балиқ тишлари табиий ҳолда сақланиб қолган. Илмий манбаларга кўра, бундан юз миллион йил аввал Қизилқум саҳроси ўрнида Тетиз денгизи мавжуд бўлган, табиий ўзгаришлар натижасида саҳрога айланган денгиз ўрнида Тошўрмон қолдиқлари сақланиб қолган.
Нуриддин РАҲИМОВ.
Сурат муаллифи Сирож АСЛОНОВ
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а