вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Қардош миллат анъаналари тараннуми

27.06.2018 12:57:20

"Сабантўй" татар ва бошқирд халқларининг минг йиллар давомида нишонланиб келинаётган қадимий миллий байрами бўлиб, ҳар йили баҳорги экин мавсумининг тугашига бағишлаб ўтказилади.

9 июнь куни Навоий шаҳридаги "Халқлар дўстлиги" марказида ушбу айём доирасида маданий тадбир ташкил этилди. Вилоят татар-бошқирд миллий маданий маркази томонидан уюштирилган тантаналарда сўзга чиққанлар бу қадимий ва навқирон анъанада ўтадиган маънавий-маърифий тадбирлар хусусида сўз юритишди, улар турли миллат ва элатлар вакиллари орасида дўстликни мустаҳкамлашга хизмат қилишини алоҳида таъкидлашди.

—"Сабантўй" баҳор бўйи далаларда қилинган меҳнат — қишлоқ хўжалиги экинларини экиб, ундириб олинганидан дарак берувчи байрамдир, — дейди марказ раиси Б. Аблақулов. — Уни кенг нишонлаган халқимиз шу куни, худди бугунгидек, турли миллий таомлар тайёрлайди, спорт беллашувлари уюштирилади, куй ва қўшиқлар ижро этилиб, рақсга тушилади. Бу миллий қадриятларимизни келгуси авлодга етказишга ва қадрлашга хизмат қилади.

Бу йилги "Сабантўй" ҳам кўтаринки кайфиятда, кўнгилочар тадбирлар, қўшиқ ва рақсларга бой тарзда ўтди.

Манбаа: dustlikbayrogi.uz