вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Ҳаракатлар стратегияси — фаровон ҳаёт асоси

31.05.2017 13:51:05

Навоий давлат педагогика институтида 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини ўрганишга бағишланган республика семинар-тренинги бўлиб ўтди.

Унда вилоят ҳокимлиги Ташкилий-назорат гуруҳи раҳбари Равшан Ҳайдаров, Fафур Fулом номидаги нашриёт-матбаа ижодий уйи директори Лазиз Тангриев, Тошкент давлат юридик университети доценти Эшмуҳаммад Қодиров, Ўзбекистон Ёзувчилар уюшмаси аъзоси Луқмон Бўрихон, ўқитувчи ва талабалар, депутатлар, кенг жамоатчилик ҳамда оммавий ахборот воситалари вакиллари қатнашди.

Маърузачилар Ҳаракатлар стратегияси мақсад ва йўналишлари ҳақида батафсил сўзлаб беришди. Хусусан, давлат ва жамият қурилиши тизимини такомиллаштириш, қонун устуворлигини таъминлаш ва суд-ҳуқуқ тизимини янада ислоҳ қилиш, миллий иқтисодиётни ривожлантириш ва либераллаштириш, "Халқ билан мулоқот ва инсон манфаатлари йили"да ижтимоий соҳани ривожлантириш, хавфсизлик, миллатлараро тотувлик ва диний бағрикенгликни таъминлаш ҳамда чуқур ўйланган, ўзаро манфаатли ва ташқи сиёсатни амалга ошириш борасида давлатимиз сиёсатининг мазмун-моҳияти аниқ мисолларда ифодалаб берилди.

Савол-жавоб, жонли мулоқотлар тарзида ўтган семинар-тренингда қатнашчилар ўзларини қизиқтирган саволларига жавоб олдилар. Худди шундай семинар-тренинглар вилоятимизнинг барча туман ва шаҳарларида ўтказилишига келишиб олинди.

А. ЖЎРАЕВ.

Манбаа: dustlikbayrogi.uz