вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
11.07.2016 11:30:05
Қулай инвестициявий муҳит шароитида фаолият юритаётган "Навоий" эркин индустриал-иқтисодий зона Ўзбекистон номини дунёга танитиб, иқтисодиётимизга хорижий инвестициялар жалб этилишига хизмат қилмоқда. Фаолият кўлами тобора кенгайиб бораётган ушбу ҳудудда ўтган вақт мобайнида бир қанча корхоналар қурилиб, фойдаланишга топширилди.
Яқинда бу ерда фармацевтика заводини қуриш бошланди. Ҳиндистоннинг "Bravo Pharmaceuticals Pvt. Ltd." хусусий фармацевтика компанияси раҳбарлигида қурилаётган заводни барпо этишга қаратилган инвестиция лойиҳасининг умумий қиймати 2,6 миллион АҚШ долларини ташкил этади. 14 ойдан сўнг фойдаланишга топширилиши режалаштирилаётган завод "Меҳрангиз - 2002" МЧЖ томонидан қурилмоқда.
Фармацевтика саноати Ўзбекистон билан Ҳиндистон ўртасидаги самарали ҳамкорликнинг муҳим йўналишларидандир. Ўзбекистон фармацевтика саноатига хорижий инвестицияларни жалб этиш борасида олиб борилаётган ишлар, бу йўналишда чет эллик сармоядорлар учун яратилган қулай шароит ва имкониятлар бугун эътирофга лойиқ. Соҳага инвестициялар жалб этилаётгани натижасида дори-дармон ва тиббиёт ускуналарини ишлаб чиқариш муттасил кенгайиб бораётир.
— Ўзбекистон фармацевтика саноатини ривожлантириш учун улкан салоҳиятга эга республика, — дейди компания бош директори Ракеш Пандей. — Компаниямиз кўп йиллардан буён Ҳиндистон, Марказий Осиё ва Шарқий Европа мамлакатларида қон-томир, ошқозон-ичак касалликлари учун оғриқ қолдирувчи ҳамда антибиотик каби 45 турдаги дори-дармон ишлаб чиқариш билан шуғулланиб келади. Фаолиятимизнинг асосий йўналишларидан бири, дунёда тиббиёт соҳасида глобал бизнесни кенгайтириш, ошқозоности ўти саратони касаллигини даволашнинг самарали усулларини топиш ва диагностик лабораториялар барпо этишдир. Ҳозирги кунда компания илмий ходимлари Эстониянинг саратон касалликлари илмий текшириш маркази билан ҳамкорликда онкологик касаллар учун дори яратиш устида иш олиб бормоқда. Ўзбекистон бозори биз учун ғоят истиқболли. Мамлакатингиз фармацевтика саноати имкониятлари билан яқиндан танишиб, ўзаро манфаатли ҳамкорликни йўлга қўйиш ниятидамиз. Завод фаолиятини бошласа, 27 нафар маҳаллий аҳоли доимий иш билан таъминланади. Улар ҳиндистонлик мутахассислар томонидан ўқитилади.
Мазкур заводда Жаҳон соғлиқни сақлаш ташкилотининг стандартлари бўйича 30 гаяқин дори воситалари ишлаб чиқарилади.
— Ҳар қандай давлат иқтисодиётининг тараққиётини инвестицияларсиз тасаввур этиш қийин, — дейди "Навоий" ЭИИЗ дирекцияси директори Азамат Файзиев.
Дарҳақиқат, хорижий инвесторлар билан ўзаро алоқаларни мустаҳкамлаш, уларнинг ишончини қозониш, уларга имкониятлар яратиш, янада қулай инвестицион муҳитни шакллантиришга катта аҳамият қаратмоқ лозим.
Ҳозир бу ерда жаҳон бозорида рақобатбардош маҳсулотлар ишлаб чиқараётган 19 та қўшма корхона фаолият юритмоқда. 7 йил давомида 124,2 миллион АҚШ доллари миқдорида инвестиция киритилди. Ўтган йили 180 миллиард сўмлик маҳсулот тайёрланиб, харидорларга етказилди. Шундан 5 миллион АҚШ доллари миқдоридаги маҳсулот экспорт қилинди.
Хуршида НАРЗИЕВА.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а