вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
26.04.2016 17:04:43
Ўзбекистон Республикаси Президенти Ислом Каримовнинг мамлакатимизни 2015 йилда ижтимоий-иқтисодий ривожлантириш якунлари ва 2016 йилга мўлжалланган иқтисодий дастурнинг энг муҳим устувор йўналишларига бағишланган Вазирлар Маҳкамаси мажлисидаги маърузасида давлатимиз тараққиёти, ёшлар сиёсати ва халқимизнинг турмуш фаровонлигини яхшилаш борасидаги устувор вазифалар белгилаб берилганди. Вилоятимизда ҳам бу йўналишда муайян ишлар амалга оширилмоқда.
Вилоят ҳокимлигининг мажлислар залида бўлиб ўтган фаоллар йиғилишида жорий йилнинг 1-чорагида вилоятни ижтимоий-иқтисодий ривожлантириш якунлари ва 2016 йилги иқтисодий дастурнинг энг муҳим йўналишлари ҳамда устувор вазифалари амалга оширилишини баҳолаш тўғрисидаги масала муҳокама қилинди.
Йиғилишни вилоят ҳокими Э. Турдимов бошқариб борди.
Фаоллар йиғилишида республика вазирлик ва идораларидан биркитилган ишчи гуруҳи аъзолари, халқ депутатлари вилоят, туман, шаҳар Кенгашлари депутатлари, масъул ходимлар, тадбиркорлар, жамоатчилик ҳамда оммавий ахборот воситалари вакиллари иштирок этдилар.
Йиғилишда алоҳида таъкидландики, вилоятда биринчи чорак якунлари билан эришилган асосий кўрсаткичлар белгилаб берилган прогноз кўрсаткичлардан анча юқори бўлди. Ялпи ҳудудий маҳсулот прогнози 103,8 фоиз ўрнига 105,3 фоизга, жумладан, саноат ишлаб чиқариш ҳажми 104,4, ҳудудий саноат маҳсулотлари ишлаб чиқариш 116,5, қишлоқ хўжалиги маҳсулотлари 108,4, чакана савдо айланмаси 114,5, хизматлар ҳажми 115,2 фоизга ўсишига эришилди.
Мамлакатимиз Президенти томонидан 2016 йил 12 апрель куни "Мева-сабзавот, картошка ва полиз маҳсулотларини харид қилиш ва улардан фойдаланиш тизимини такомиллаштириш чоратадбирлари тўғрисида"ги қарорнинг қабул қилиниши билан бу соҳада ягона тизимнинг жорий этилганлиги имкониятларни янада кенгайтирди.
Давлат буюртмаси учун харид қилиниши белгиланган маҳсулотларнинг 55,8 минг тоннасини қайта ишлашга, 9,8 минг тоннасини қишбаҳор мавсумига захирада сақлашга ва 13,7 минг тоннасини экспортга йўналтириш ҳамда қолган 43,2 минг тоннасини келгуси йил учун қолдириш кўзда тутилди.
Маҳаллийлаштириш дастурига асосан, вилоятда 58 та лойиҳа амалга оширилиши эвазига 14,9 миллиард сўмлик, жумладан ҳудудий лойиҳалар бўйича 2 миллиард сўмлик импорт ўрнини босувчи маҳсулотлар ишлаб чиқарилди. Буларнинг ҳисобига 5,2 миллион доллар миқдордаги валюта тежалишига эришилди.
Муҳтарам Юртбошимизнинг ўтган йил 28 сентябрдаги 2412-сонли қарорига асосан, туман (шаҳар) ҳокимликлари ҳузурида тадбиркорлик субъектларига "Ягона дарча" тамойили асосида хизмат кўрсатиш ягона марказлари ташкил этилиб, уларнинг самарадорлигини ошириш мақсадида барча шарт-шароитлар яратилди.
"Ягона дарча" марказларига 1938 та мурожаат келиб тушди. Уларнинг 93 фоизи ижобий ҳал этилган бўлса, 7 фоиз мурожаат юзасидан қонунда белгиланган тартибда тушунтиришлар берилди.
Фаоллар йиғилишида ижтимоий-иқтисодий соҳаларни янада ривожлантириш, саноат корхоналарини янги технологиялар билан жиҳозлаш ва модернизациялаш, маҳаллий ва хорижий инвестицияларни жалб этиш, иқтисодиётда хусусий сектор улушини ошириш, аҳолининг турмуш фаровонлигини яхшилаш, реал даромадларини кўтариш ҳамда "Соғлом она ва бола йили" Давлат дастури доирасида ҳам кенг кўламли ишлар амалга оширилаётганлиги қайд этилди.
Йиғилишда Ўзбекистон Республикаси Бош вазирининг биринчи ўринбосари Р. Азимов иштирок этди ва долзарб вазифалар хусусида нутқ сўзлади.
Исроил ХОЛБОЕВ.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а