вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
27.03.2019 12:39:51
Навоий шаҳридаги ҳарбий қисмда ёшларни мамлакатимиз Қуролли Кучлари сафига кузатиш муносабати билан тантанали тадбир бўлиб ўтди. Унда кенг жамоатчилик вакиллари, ҳарбий хизматчилар, шунингдек, чақирилувчиларнинг ота-оналари қатнашди.
Йиғилишда вилоят ҳокими ўринбосари Ф. Солиев иштирок этиб, Президентимизнинг жорий йил 22 февралда қабул қилинган "Ўзбекистон Республикаси фуқароларининг муддатли ҳарбий хизматни ўташ тартибини такомиллаштиришга оид қўшимча чора-тадбирлар тўғрисида"ги қарори ижросини таъминлаш мақсадида воҳамизда амалга оширилаётган ишлар хусусида тўхталди.
— Бугун воҳамиздан 200 нафарга яқин йигитни Тошкент, Наманган ва Сурхондарё вилоятларидаги ҳарбий қисмларга жўнатяпмиз, — дейди вилоят мудофаа ишлари бошқармаси чақирув бўлими бошлиғи Б. Эргашев. — Бу йил вилоят бўйича қарийб 1000 нафар чақирилувчи юртимиз тинчлигини қўриқлашга отланмоқда.
— Армия сафида йигитлик бурчини ўташ шарафдир, — дейди Хатирчи туманидаги "Истиқбол" маҳалласидан ташриф буюрган Н. Сувонов. — Ўғлим Озоджон Эшқувватов ҳам йигитлик бурчини ўташга шай. Бундан хурсандман.
Учрашувда вилоят ва Хатирчи тумани ҳокимликлари, Ёшлар иттифоқи вилоят кенгаши ҳамда бошқа ташкилотлар томонидан бўлажак аскарларга совғалар топширилди. Санъаткорлар ижросидаги куй-қўшиқлар даврага файз улашди. Ота-она ва фарзандлар хайрлашуви ҳаяжонли лаҳзаларга бой бўлди.
Эндиликда юқорида қайд этилган қарор билан мамлакатимиз фуқаролари март-апрель ойларида ҳарбий хизматга чақирилади. Бу, ўз навбатида, уларнинг тиббий ҳамда жисмоний тайёргарликдан ўтишида бирмунча қулайликлар туғдиради.
Жамолиддин АҲТАМОВ.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Объекты, предоставляемые в аренду
Навоийская областная территориальная конкурсная комиссия объявляет конкурс!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а