вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
25.07.2018 21:41:41
Ота-боболаримиздан мерос ҳунармандчилик мустақиллик туфайли қайта тикланди, соҳа вакиллари қадр топди. Ҳунармандларимиз яратаётган маҳсулотлар аллақачон жаҳон бозорида ўз ўрнини эгаллаган. Вилоятимизда ҳам мазкур соҳа жадал ривожланиб, улар сафи тобора кенгаймоқда.
Воҳамизда жорий йилда ҳунармандчиликни ривожлантириш ҳисобидан қиймати 7 миллиард сўмга яқин 220 лойиҳа амалга оширилиб, 460 дан зиёд иш ўрни яратилади. Давлатимиз раҳбарининг 2017 йил 17 ноябрдаги "Ҳунармандчиликни янада ривожлантириш ва ҳунармандларни ҳар томонлама қўллаб-қувватлаш чора-тадбирлари тўғрисида"ги фармони бу борада муҳим дастуриламал бўлаётир.
— Соҳага қаратилаётган алоҳида эътибор, кўрсатилаётган ғамхўрлик ҳунармандларимизни янгича руҳ, куч-ғайрат билан ишлашга, бетакрор санъат асарлари яратишга ундамоқда, — дейди "Ҳунарманд" уюшмаси вилоят бошқармаси бошлиғи Ж. Жумаев. — Мазкур фармон асосида уюшма аъзоларига бир қатор имтиёз ва енгилликлар берилди. Жумладан, қатъий белгиланган солиқ ҳамда ёшга доир пенсия ва нафақа олувчиларнинг бюджетдан ташқари Пенсия жамғармасига суғурта бадали тўловларидан тўлиқ озод этилди, ҳунармандларга ўз маҳсулотларини экспорт қилишдан тушган хорижий валютани эркин тасарруф этиш имконияти берилди. Бундан ташқари, аъзоларга "ноль" харид қийматида сотиладиган давлат мулки объектларининг бошланғич инвестиция мажбуриятлари билан очиқ савдоларга қўйилмасдан тўғридан-тўғри шартнома асосида сотилиши белгилаб қўйилди.
Вилоятимизда 1 минг 15 нафар ҳунарманд 30 йўналишда фаолият юритмоқда. Жорий йилнинг шу давригача уюшманинг 209 нафар аъзосига 5 миллиард сўмдан зиёд имтиёзли кредит маблағлари ажратилди. Айни пайтда ҳунармандчиликни ривожлантириш ҳисобидан амалга ошириладиган лойиҳаларнинг манзилли дастури асосида бир қатор ишлар олиб борилмоқда.
Бунинг эвазига оёқ кийим ишлаб чиқариш, тикувчилик, темирчилик, новдадан ҳунармандчилик маҳсулотлари, теридан турли буюмлар ва оёқ кийимлар тикишни йўлга қўяяпти.
Халқимизнинг бетакрор ҳунармандчилик намуналари маҳоратли ва зукко ёшларимиз томонидан ҳам муносиб давом эттирилмоқда. Нурота туманида яшовчи каштадўз Зарина Сафарова ёш ҳунармандлардан биридир. У яратган кашталарда нафислик, ўткир ва ёрқин ранглар акс эттирилган. Моҳир каштадўз тиккан сўзанадаги табиий тасвирларнинг қоқ марказидаги анор гули, теварагидаги нақшинкор йўл-йўл чизиқлар ҳаёт давомийлиги, инсондан фақат яхшилигу эзгу ном қолишини эслатади гўё. У "Устоз-шогирд" анъаналари асосида 20 дан зиёд ёшга каштачилик сирларини ўргатмоқда.
— 10 йилдан буён бу касб ҳаётимнинг мазмунига айланган, — дейди З. Сафарова. — Биринчи устозим — онам "Қунтинг бор, агар астойдил меҳнат қилсанг, барака топасан", деган эдилар. Шу гапларга амал қилиб, кам бўлмадим. Мамлакатимизда халқ амалий санъатини равнақ топтириш борасида яратилган имкониятлар кўпроқ изланиш, қадимий анъаналарни тиклаш ҳамда ривожлантиришга бўлган иштиёқимни оширмоқда. Каштачилик бир қарашда оддий, кўзни қувонтирувчи, жозибадор, аммо мураккаб санъат. Унда рангларни тўғри танлай олиш, нақшларни уйғунлаштириш муҳим саналади. Маҳсулотларимизни кўрган хорижликлар ҳайратидан кўнглим тоғдек кўтарилади, қалбим фахр-ифтихорга тўлади.
Бир сўз билан айтганда, қадимий анъаналар ҳамда замонавийлик уйғунлашиб, ўзига хос санъат асарларини яратаётган ҳунармандларимизнинг саъй-ҳаракати таҳсинга лойиқ. Кўҳна қадриятлар эъзозланган юртда барака бўлиши эса ота-боболаримиз таъкидлаб кетган ҳаётий ҳақиқат саналади.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Объекты, предоставляемые в аренду
Навоийская областная территориальная конкурсная комиссия объявляет конкурс!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а