вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
27.03.2019 12:41:41
Халқ билан мулоқотда унинг дарду ташвишлари, муаммоларини ҳал этиш йўллари белгилаб олиниши аҳамиятлидир. Мутасадди раҳбарлар билан жойларда ташкил этилаётган учрашувлар шу жиҳатларни ўзида қамраб олган. Кармана туманидаги 9-умумий ўрта таълим мактабида вилоят ҳокими Қобул Турсунов билан сайёр қабул ўтказилди.
Унда Кармана туман ҳокими Фахриддин Умаров, вилоят прокурори Шоҳруҳ Аминов, ИИБ бошлиғи Рустам Турсунов, Халқ қабулхонаси мудири Файзулла Қувондиқов ва тегишли ташкилотлар вакиллари ҳамда Ҳазора қишлоғи аҳолиси иштирок этди. Учрашувда вилоят ҳокими ўтган йили "Обод қишлоқ" дастури доирасида ҳудудда 45 миллиард сўм маблағ эвазига амалга оширилган бундай бунёдкорлик натижасида қишлоқнинг кўркам қиёфа касб этганини алоҳида таъкидлади. Аҳолининг ана шу кўркамликка ҳисса қўшиб, ўз хонадони, томорқаси ободлигига эътибор қаратиши, бу ҳам фаровонликка хизмат қилиши хусусида сўз юритилди.
Шундан сўнг аҳоли вакиллари ўзларининг ички йўлларни таъмирлаш, тадбиркорликни бошлаш, ер ажратиш, кредит ва бошқа масалалар бўйича муаммо ҳамда таклифларини билдиришди. Ҳар бир мурожаат жойида ўрганилиб, унинг ҳал этилиши доирасида мутасаддиларга топшириқ берилди. Жумладан, ҳазоралик Қаюм Сафаров янги сартарошхона қуриш учун ер ажратилиши ҳамда кредит олишда амалий ёрдам беришни сўраб мурожаат қилди. Сайёр қабулда ёшларнинг масалалари ҳал этилиши бўйича ҳам тегишли кўрсатмалар берилди.
— Юртимизда тадбиркорларга катта имкониятлар яратиб берилган, — дейди "Паҳлавон" маҳалласида яшовчи М. Қулиев. — Мен ҳам ишбилармонлик билан шуғулланишни мақсад қилгандим. Бугунги қабулда ванна ишлаб чиқариш цехи қуришга ер майдони ажратилишини сўраб, мурожаат қилдим. Менга аввало, бу фаолият бўйича талаб ва таклифни тўлиқ ўрганиб чиқишим, мутахассисларнинг бизнес лойиҳамни тузишда ёрдам бериши ҳақида айтилди. Бу менга куч бағишлади. Келажакда масъулиятни ҳис қилган ҳолда тадбиркорликни бошлашни ният қилдим.
Қабулда "Деггарон" маҳалласидан Шайхи ҳожи Мардоновнинг қишлоқда яшаб ўтган авлиё, етук пирлардан бири бўлган Мавлоно Ориф Деггароний зиёратгоҳини янада обод қилиб, уни мамлакатимизнинг сайёҳлик харитасига киритиш ҳақидаги таклифи ҳоким томонидан тўлиқ қўллаб-қувватланди. Тадбирда мактаб ўқитувчиси Д. Латипова таълим даргоҳида ёшларга тарихимиз, азиз аждодларимиз, алломаларимизнинг дунё илм-фани ва динимизда тутган ўрни ҳақида чуқур билим берилаётгани ҳақида гапирди. Мактабнинг 9-синф ўқувчиси Дилноза Мансурованинг туман ҳокими ташаббуси билан ўтказилган Кармана тарихи билимдонлари танловида биринчи ўринни қўлга киритгани эътироф этилди. Тадбир сўнгида иштирокчиларга вилоят ҳокими томонидан туманнинг узоқ ва яқин ўтмиши саҳифалари акс этган "Кармана тарихи" китоби совға қилинди.
Зулфия БОБОЕВА,
"Дўстлик байроғи" мухбири.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Объекты, предоставляемые в аренду
Навоийская областная территориальная конкурсная комиссия объявляет конкурс!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а