вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
19.02.2018 11:25:26
Юртимиз шаҳар ва қишлоқларида, ҳатто энг чекка овулларида бўлаётган бунёдкорлик-ободончиликни кўриб, ҳар бир инсоннинг кўнглида фахр туйғуси жўш уради. Қурилиш кўлами деярли кунора ўсаётганлиги халқимиз фаровонлиги ошиб бораётганидан даракдир. Янгидан-янги бинолар, турли маданий-маиший, ижтимоий аҳамиятга эга объектлар ишга туширилмоқда.
Ўз навбатида, кўркам иморатларни тиклаш учун қурувчилар тилида "саноат нони", деб айтилувчи цементдан тортиб, ғишт, тош, мармар, шағал ва оҳак каби қурилиш ашёлари сув билан ҳаводек зарурдир. Хорижга маҳсулот экспорт қилиш, республикамиз ва вилоятимиздаги корхоналар, шунингдек, аҳолини қурилиш материаллари билан таъминлашда "Qizilqumsement" акционерлик жамиятининг ўз ўрни бор. Мазкур жамиятга қарашли тоғ-кон мажмуаси ва унинг шағал ишлаб чиқариш бўлинмасига уюштирган сафаримиз давомида бунга яна бир марта амин бўлдик.
— 2015 йилда маҳсулот турлари кўпайиши эвазига шағал ишлаб чиқариш ҳажми ошиб, бўлинма фаолияти кенгайтирилди, — дейди мажмуа директори А. Азимов. — Янги технологиялар келтирилди. Узлуксиз навбатчилик ташкил қилинди. 15 нафар коллеж битирувчиси иш билан таъминланди. Келгусида кадрларнинг малакасини шу ернинг ўзида ошириб, олий ўқув юртларида ўқитиш учун замин яратилмоқда.
Бўлинмада 35 нафар ходим меҳнат қилади. Бу ерда, асосан, қурилишга мўлжалланган шағал ва қум тайёрлаш учун тоғ жинсидан фойдаланилади. Яқинда янги турдаги шағалтош ишлаб чиқаришни йўлга қўйиш мақсадида 1 миллиард 200 миллион сўм миқдорида қурилиш-таъмирлаш юмушлари амалга оширилди. Ўтган йилда унинг 22 минг тоннаси ички ва ташқи бозорга чиқарилди. Умуман олганда, бу ерда ҳеч қандай нобудгарчиликка йўл қўйилмайди. Хомашё чиқитга чиқарилмасдан, қайта ишлов берилади.
— 2017 йилда 493 минг тонна шағал ишлаб чиқариб, режани 104 фоизга бажардик, — дейди бўлинма бошлиғи О. Эгамов. — Маҳсулотларимиз асосан вилоятимиз ва республикамиздаги асфальт заводларига, қурилиш объектлари ҳамда тадбиркорларга сотилади.
Саноат ҳудудида ҳар қадамда бир янгиликни учратиш мумкин. Масалан, электр энергиясини тежаш мақсадида ёш механик А. Ўроқовнинг таклифига биноан мавжуд 2 та тасмали узаткич бирлаштирилиб, ягона тизимга ўтказилган. Натижада хомашёни майдалаш ва саралашда иқтисодий тежамкорликка эришилмоқда.
Бўлинманинг 2-майдалаш ва саралаш участкасида олиб борилаётган қурилиш-таъмирлаш ишлари билан яқиндан танишдик. Цехлардан фарқли равишда бу ерда кўпроқ техника кучидан фойдаланилади. Шу билан бирга, маълум бир техник жиҳозларни, масалан, редуктор, двигатель, барабанларни қисқартириш ҳисобидан тежамкорлик ва унумдорликка эришилмоқда.
Мураккаб шароитда сабот билан меҳнат қилаётган ишчилар замонавий техникаларни маҳорат билан бошқариб, хомашёдан сифатли қурилиш маҳсулотини тайёрлашмоқда. Қизиғи шундаки, бу ерда шунча иш бажарилаётган бўлса-да, чанг-тўзон йўқ. Боиси, бўлинмага қувурлар орқали сув келтирилиб, ҳудудга пуркалиши туфайли экологик тоза муҳит сақланмоқда. Бу, албатта, инсон саломатлигини асрашга хизмат қилади.
Мажмуа ва унинг бўлинмаларида ишчиларга меҳнат, дам олиш, овқатланиш ва ювиниш учун барча шароитлар яратилган. Бундан ташқари, улар қишлоқ хўжалик ва озиқ-овқат маҳсулотлари ҳамда махсус кийим-бош билан таъминланяпти. Энг муҳими, жамоа аъзоларида ҳаётдан розилик ва шукроналик кайфияти мавжуд.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Объекты, предоставляемые в аренду
Навоийская областная территориальная конкурсная комиссия объявляет конкурс!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а