вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
23.01.2018 19:50:31
Муқаддас Ислом динимизни чуқур ўрганиш, аждодларимизнинг бу борадаги бой меросини тўлиқ тадқиқ этиш, диний таълим сифатини юксалтириш бугунги кунда юртимизда амалга оширилаётган ислоҳотларнинг муҳим йўналишларидан биридир.
Президентимиз Шавкат Мирзиёевнинг 2017 йил 1 сентябрда Тошкент шаҳридаги "Ҳазрати Имом" мажмуасида давлат, жамоат ва диний соҳа ходимлари билан бўлиб ўтган учрашувида давлатимиз раҳбари томонидан Қуръон мусобақасини ташкил этиш таклифи ўртага ташланган эди. Шундан келиб чиқиб, Ўзбекистон мусулмонлари идораси жорий йилнинг биринчи ярмида юртимизда 18-40 ёшдаги фуқаролар ўртасида Муқаддас калом баҳсини ўтказишни режалаштирди.
22 январь куни Навоий шаҳридаги Алишер Навоий номли масжидида "Ўзбекистон Қуръон мусобақаси — 2018"нинг туман ва шаҳарлар босқичи бошланди.
Таъкидлаш керак, танловга тайёргарлик ўзгача руҳда олиб борилди. Жумладан, асосий кўчаларга танлов ҳақида баннерлар жойлаштирилиб, тадбир ҳақида аҳолининг кенг қатлами хабардор қилинди.
Мусобақанинг илк босқичида 100 нафардан ортиқ қори ва қориялар, хусусан, 63 нафар эркак ҳамда 44 нафар аёл иштирок этди. Унинг очилиш маросимида сўзга чиққанлар юртимизда Исломий таълим-тарбияга қаратилаётган эътибор, бунда Қуръонни ёдлаш, унинг маъноларини англаш нечоғли муҳим аҳамиятга эга эканлигини таъкидлашди.
— Бу каби танловларни ўтказиш орзуимизга айланган эди, — дейди вилоят бош имом-хатиби Т. Рўзиев. — Бугунги маънавий тадбир ҳам, уни ташкил этишни бошлаб берган юртбошимиз ҳам Яратганнинг халқимизга марҳаматидир.
Беллашувларда шаҳар ва туманлардан иштирок этиш истагини билдирганлар сонига қараб, 3 та ҳудудга бўлиниб, ҳифз (Қуръонни нечоғли ёд олган) ҳамда тиловат йўналишларида, 18-25, 26-40 ёш тоифаларида бир нафардан ғолиблар аниқланди.
Жумладан, ҳифз йўналишида Кармана тумани "Камолот" маҳалла фуқаролар йиғинидан Ф. Шамиев, Хатирчи тумани Пўлкан шоир номли МФЙдан У. Қурбонов, Зарафшон шаҳри "Юлдуз" МФЙдан Ҳ. Ҳошимов ғолиб бўлдилар. Тиловат йўналиши бўйича 18-25 ёшлилар ўртасида Кармана туманидаги "Пахтаобод" маҳалла фуқаролар йиғинидан Э. Ибрагимов, Нурота тумани Амир Темур номли МФЙдан И. Истамов ва "Нурфахр" МФЙдан И. Одиловга тенг келадиган топилмади. 26-40 ёшлилар ўртасида эса Навоий шаҳридаги "Умид" МФЙдан А. Раҳмонов, Хатирчи туманидаги "Полвонота" МФЙдан Н. Нурмуҳаммедов, Навбаҳор тумани "Тошработ" МФЙдан Қ. Ибрагимов барча рақибларини ортда қолдирди. Fолиблар мусобақанинг вилоят босқичига йўлланмани қўлга киритдилар.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Объекты, предоставляемые в аренду
Навоийская областная территориальная конкурсная комиссия объявляет конкурс!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а