вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
11.10.2018 11:45:18
Республикамизда енгил саноатни ривожлантириш учун кенг имкониятлар яратилиб, тизимдаги корхоналарга бир қатор имтиёзлар берилмоқда. Жумладан, Президентимизнинг 2017 йил 14 декабрда қабул қилинган "Тўқимачилик ва тикув-трикотаж саноатини жадал ривожлантириш чора-тадбирлари тўғрисида"ги фармони тадбиркорлик субъектлари фаолиятини янада кенгайтиришда туртки бўляпти.
Бугунги кунда вилоятимизда рўйхатдан ўтган енгил саноат корхоналарининг сони 170 тани ташкил этади. Шундан 80 таси тайёр тикув-трикотаж маҳсулотлари ишлаб чиқарувчи субъектлардир.
Жорий йилда қиймати 2,4 миллиард сўмлик 6 та тикув-трикотаж маҳсулоти ишлаб чиқариш лойиҳаларини амалга ошириш режалаштирилган бўлиб, бунинг эвазига қўшимча 500 минг дона тайёр маҳсулот ишлаб чиқарилади. Келгусида ҳам тизимда бир қанча ишлар бажарилади.
— 2019 йилда "Навбаҳор текстиль" МЧЖ томонидан 44,5 миллиард сўмлик мато, бўялган мато ва тайёр тўқимачилик маҳсулотлари ишлаб чиқаришга ихтисослашган янги корхона ташкил этилади ва 350 та иш ўрни яратилади, — дейди вилоят иқтисодиёт бошқармаси саноат бўлими бош мутахассиси Н. Неъматов. — Натижада маҳсулот экспорти 21 миллион АҚШ долларига етказилади. Бундан ташқари, Хатирчи туманида қиймати 10 миллион долларга тенг калава ипдан 6 миллион метр квадрат тайёр мато ва 4 миллион дона тикув-трикотаж маҳсулотлари ишлаб чиқаришга ихтисослашган "Хатирчи текстиль" корхонасини фойдаланишга топшириш кўзда тутилган. Объект ишга тушиши натижасида минг нафар кишининг иш билан бандлиги таъминланади.
Таъкидлаш ўринлики, мазкур енгил саноат корхоналарини олис ва чекка ҳудудларда ҳам ташкил этиш режалаштирилган. Хусусан, Зарафшон шаҳри, Томди, Конимех, Учқудуқ ва Нурота туманларида умумий қиймати 25,9 миллиард сўмлик 5 та тикув-трикотаж фабрикалари қурилади. Бу лойиҳалар амалга ошиши натижасида яна минг нафар аҳоли иш ўринларига эга бўлади. Ҳозирги кунда ушбу туманларда барча тикув фабрикалари учун бинолар ажратилиб, улар тикув машинкалари ва бошқа технологик ускуналарни ўрнатиш учун шай ҳолга келтирилган. Тикув машинкалари "Навоий кон-металлургия комбинати" давлат корхонаси томонидан олиб келиниши белгиланган.
Бир сўз билан айтганда, енгил саноат соҳасидаги бу каби чора-тадбирлар экспорт ҳажми ошишига, тараққиётга хизмат қилади.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Объекты, предоставляемые в аренду
Навоийская областная территориальная конкурсная комиссия объявляет конкурс!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а