вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
17.06.2018 13:56:01
Юртимизда ишбилармонлик муҳити юксалиб борар экан, бу ўз навбатида, аҳоли бандлигини таъминлаш ва оилалар турмуш фаровонлигини оширишга хизмат қилмоқда. Тадбиркорлик билан шуғулланиш истагида бўлган аҳолининг ташаббуслари ҳар томонлама қўллаб-қувватланиб, имтиёзли кредитлар ажратилаётгани ҳам соҳа ривожини таъминлаяпти.
Жорий йилнинг 7 июнь куни давлатимиз раҳбарининг "Ҳар бир оила — тадбиркор" дастурини амалга ошириш тўғрисида"ги қарори эълон қилингани айниқса, ишбилармонлар учун янги имкониятларни белгилаб берди.
Эндиликда мамлакатимизнинг ҳар бир туман ва шаҳрида, энг аввало олис ва табиий иқлим шароити оғир ҳудудларда аҳолининг моддий аҳволини тубдан яхшилаш, турмуш тарзи сифати ва даражасида сезиларли ижобий ўзгаришлар амалга оширилишини таъминлашга қаратилган дастур ҳаётга татбиқ этилади.
Унга кўра, юртимиз бўйлаб давлат бошқарув органлари ҳамда бошқа тегишли ташкилотларнинг масъул ходимларидан иборат Ташкилий мувофиқлаштирувчи, Махсус ҳамда Ҳудудий ишчи гуруҳлар тузилиб, улар томонидан долзарб вазифалар амалга оширилади. Яъни, ҳовли ва кўп қаватли хонадонларда яшовчи ҳар бир оиланинг тадбиркорлик салоҳияти ва имкониятлари таҳлил қилиниб, ҳудуд хусусиятидан келиб чиққан ҳолда уларнинг тадбиркорлик фаолиятини ташкил этиши учун кенг қамровли ишлар олиб борилади. Шунингдек, гуруҳ вакиллари ҳар ойда камида бир марта тадбиркорликни янги ташкил қилган оилаларга ташриф буюриб, юзага келаётган муаммоларни бартараф этиш ва ажратилган имтиёзли кредитлардан фойдаланиш самарадорлигини ўрганади. Бундан ташқари, қарорда тижорат банклари томонидан оилавий тадбиркорликни ривожлантириш учун ҳудудларни ижтимоий-иқтисодий ривожлантириш бўйича секторлар раҳбарлари ва маҳалла фуқаролар йиғини тавсияномалари асосида энг кам иш ҳақининг юз эллик бараваригача миқдорда имтиёзли кредитлар ажратилиши белгиланди.
Таъкидлаш керак, бугунги кунда вилоятимизда ушбу дастурга ҳамоҳанг тарзда бир қатор чора-тадбирлар ишлаб чиқилиб, жадал ишлар олиб борилмоқда. Жумладан, паррандачиликни ривожлантириш мақсадида "Karmana golden eggs" масъулияти чекланган жамиятида етиштирилган 90 кунлик "Ломенин Браун — классик" зотли товуқлар аҳолига арзон нархларда етказилиб бериляпти.
— Бугунгача 30 минг бош товуқ буюртмачиларга етказилди, — дейди корхона раҳбари А. Сувонов. — Навоий шаҳри ҳамда Кармана, Қизилтепа ва Учқудуқ туманлари аҳолисига паррандалар корхонамизнинг махсус машиналарида тизимли равишда тарқатилди. Июнь ойи охиригача яна 90 минг бош товуқ сотилиши режалаштирилган.
Бир сўз билан айтганда, дастур ижроси аҳоли турмуш фаровонлигини ошириш билан бирга, ҳудудларда бандлик масаласининг оқилона ечими ҳамда маҳаллий маҳсулотлар ишлаб чиқаришни кенгайтиришда муҳим омил бўлади.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Объекты, предоставляемые в аренду
Навоийская областная территориальная конкурсная комиссия объявляет конкурс!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а