вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
20.09.2018 18:05:03
Бугун вилоятимизда 7 та нодавлат мактабгача таълим муассасаси фаолият юритаётган бўлиб, уларда 85 мутахассис 263 нафар кичкинтойни тарбиялаб келмоқда. Жорий йил охиригача вилоятимиз бўйича 120 нафар тадбиркор нодавлат ва давлат-хусусий шериклик асосида мактабгача таълим муассасаси ташкил этиш таклифини билдиришган.
Ўзбекистон Республикаси Вазирлар Маҳкамасининг 2018 йил 25 июнда эълон қилинган "Мактабгача таълим соҳасида давлат-хусусий шерикликни ривожлантириш учун шарт-шароитлар яратиш чора-тадбирлари тўғрисида"ги қарорига кўра, мазкур турдаги нодавлат муассаса ташкил этаётган тадбиркорга тижорат банклари томонидан 15 йил муддатга, 3 йиллик имтиёзли давр билан йиллик 1 фоиз ставка бўйича кредит ажратилиши белгиланди. Айни пайтда вилоятимизда бу каби имкониятдан фойдаланиш истагини билдираётган тадбиркорлар сафи ортиб бормоқда.
"Қалдирғоч" нодавлат мактабгача таълим муассасаси Кармана тумани "Сардоба" маҳалла фуқаролар йиғинида фаолият бошлаганига кўп бўлмади. Ҳудуддаги фойдаланилмай келинаётган бино тадбиркор Отабек Қудратов саъй-ҳаракатлари билан қайта реконструкция қилиниб, 100 ўринга мўлжалланган замонавий таълим муассасасига айлантирилди. Бунинг учун банк кредити ва ташаббус эгасининг ўз ҳисобидан 2,5 миллиарддан ортиқ маблағ сарфланди.
Бу ерда машғулотлар асосан рус ва инглиз тилларида ўтказилади. Шунингдек, болаларнинг спорт билан шуғулланиши ва интеллектуал салоҳиятини ўстирувчи қизиқарли ўйинларда иштирок этишига алоҳида эътибор қаратилган. Таълим муассасасида 15 нафар малакали педагог ва тарбиячи фаолият юритади.
— Ота-оналарга қулайлик яратиш мақсадида Навоий шаҳри ва Кармана тумани ҳудудида тарбияланувчилар учун бепул автобус қатнови йўлга қўйилди, — дейди муассаса мудираси М. Мўйинова. — Бундан ташқари, бу ерда болалар меҳмонхонаси ҳам мавжуд бўлиб, иш ва зарурат юзасидан узоқ сафарга кетаётган ота-онанинг мурожаатига кўра, кечаю кундуз бола парваришини ўз зиммамизга оламиз.
Айни кунларда тадбиркор яна бир хайрли ишга қўл урди. Мактабгача таълим муассасаси ҳудудидаги бўш турган кичик ер майдонида иссиқхона барпо этилмоқда. Энди бола организми учун фойдали бўлган помидор, бодринг ва турли кўкатларни шу ернинг ўзида етиштириш мумкин.
Хатирчи туманидаги "Дўстлик" маҳалласида ҳам ана шу типдаги муассаса фаолият юритади. "Хатирчи агро престиж" фермер хўжалиги раиси Жамолиддин Турсуновнинг ташаббуси билан "Замира ая эркатойлари" нодавлат мактабгача таълим муассасаси янги тизимга ўтмоқда. Бинонинг реконструкция қилиниши ва зарур жиҳозлар учун фермер хўжалиги ҳамда банк кредити ҳисобидан 2,5 миллиард сўм сарф қилинди. Туманда йил якунига қадар яна 29 та нодавлат ва давлат-хусусий шериклик асосида мактабгача таълим муассасаси ташкил этилади.
Шу ўринда яна бир янгилик. 2018 йил 30 июлда Ўзбекистон Республикаси Вазирлар Маҳкамасининг "Оилавий нодавлат мактабгача таълим муассасалари ҳамда Оилавий нодавлат мактабгача таълим муассасалари фаолияти бўйича рухсатнома бериш тартиби тўғрисида низомларни тасдиқлаш ҳақида"ги қарори қабул қилинди. Унга кўра, энди қишлоқ жойларда давлат-хусусий шерикчилик асосида оилавий нодавлат мактабгача таълим муассасалари ташкил этилади. Мазкур турдаги масканларда 3-7 ёшли болалар қамраб олиниб, уларнинг сони 7-12 нафаргача бўлиши назарда тутилган.
Шунингдек, кичик муассаса фаолияти учун лицензия олиш талаб қилинмайди ва бу лойиҳа ташаббускори тақдим этган ҳужжатларни ўрганиш асосида, тўғридан-тўғри музокаралар ўтказиш орқали амалга оширилади. Бу эса ёш авлодни соғлом ва етук вояга етказиш, уларнинг қалбида халқимизнинг юксак маънавияти ҳамда инсонпарварлик анъаналарига садоқат туйғуларини шакллантириш баробарида мамлакатимизда хусусий секторнинг янада ривожланишини таъминлаб, мактабгача таълим муассасаларининг тармоғини кенгайтириш, моддий-техника базасини мустаҳкамлаш ҳамда янги иш ўринларини яратишга хизмат қилади.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Rental properties
The list of available empty and unfinished areas of the state
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а