вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
05.04.2019 18:35:02
Қизилтепа туманида Ўзбекистон Республикаси Вазирлар Маҳкамаси, вилоят, туман ва шаҳар ҳокимликлари, корхона ҳамда ташкилотлар вакиллари иштирокида ижро интизомига бағишланган ўқув-амалий семинар бўлиб ўтди.
Тадбирда Олий Мажлис палаталари, Ўзбекистон Республикаси Президенти Администрацияси, ҳукумат ҳужжатлари ва топшириқларнинг бажарилишини ташкил этиш ҳамда интизомни янада мустаҳкамлаш масалалари кўриб чиқилди. Шунингдек, жисмоний ва юридик шахсларнинг мурожаатлари билан ишлаш, меъёрий-ҳуқуқий ҳужжатларни ишлаб чиқиш борасидаги ишлар ҳам кун тартибидан жой олди.
Семинарни вилоят ҳокимининг ўринбосари Ф. Солиев олиб борди.
Вилоятда Президент ва ҳукумат қарорлари ижросини таъминлаш, мурожаатлар ҳамда кадрлар билан ишлаш, шунингдек, архив фаолиятини ташкиллаштириш бўйича кенг кўламли тадбирлар амалга ошириляпти. Давлатимиз раҳбарининг жорий йил 12-13 март кунлари вилоятимизга ташрифи чоғида берган топшириқлари ижросини белгиланган муддатда ва сифатли бажаришга алоҳида эътибор қаратилмоқда. Вилоят ҳокими қарорлари, чора-тадбирлар дастурлари, йўл хариталари тасдиқланиб, халқ депутатлари вилоят Кенгаши сессияларида муҳокама қилинди. Ўринбосар шулар ҳақида гапирар экан, раҳбар ва мутасадди ходимларнинг бу борадаги масъулияти ҳамда жавобгарлигини янада ошириш лозимлигини таъкидлади.
Йиғилишда Вазирлар Маҳкамаси масъул ходими Ш. Мажидов вилоятда ижро интизомининг ҳолати тўғрисида ахборот берди.
Бундан ташқари, ҳужжатларни рўйхатга олиш, расмийлаштириш ва ижрочиларга етказиш тизими ҳамда мурожаатлар билан ишлашга бўлган янги талаблар, назоратни тизимли йўлга қўйиш чора-тадбирлари, шунингдек, норма ижодкорлиги, меъёрий ҳужжатлар лойиҳаларини экспертизадан ўтказиш ва уларни тарғиб қилиш асослари тўғрисида ҳам маърузалар қилинди. Мутасаддиларнинг ахборот ва маърузалари тингланди.
Семинар иштирокчилари ўзларини қизиқтирган саволларга масъуллардан тегишлича жавоб олдилар.
Тадбир якунида кун тартибидаги масалалар бўйича қўйилган муҳим вазифалар юзасидан тегишли қарорлар қабул қилинди.
Ўз мухбиримиз.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Rental properties
The list of available empty and unfinished areas of the state
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а