вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
05.04.2018 15:16:40
Навоий шаҳридаги "Ёшлар маркази"да "Ўзбекистонда Қозоғистон таълим кунлари" мавзусида илмий-маърифий тадбир бўлиб ўтди.
Вилоят ҳокимлиги, Бутунжаҳон Қозоқлар Ассоциацияси, Навоий давлат кончилик ҳамда педагогика институтлари ҳамкорлигида ўтказилган тадбирда Қозоғистон Республикасининг Турон, Қозоғистон —Россия халқаро, Қарағанда техника университетлари каби 30 га яқин олий таълим муассасаси ўз йўналиш ва ихтисосликлари бўйича ёшларга маълумот берди.
Маърифий кечада вилоят ҳокими ўринбосари Ф. Солиев иштирок этди ва мамлакатимизда Қозоқ миллий-маданий марказлари фаолияти, икки мамлакат ўртасида ўзаро манфаатли алоқаларни мустаҳкамлаш йўлида олиб борилаётган истиқболли ишлар тўғрисида гапирди.
Тадбирда сўзга чиққан Бутунжаҳон Қозоқлар Ассоциацияси вакили К. Садирбаева, Қозоғистон транспорт ва коммуникация академиясининг ўқув-методик ишлари бўйича проректори У. Кутибаев ва бошқалар Қозоғистонда 2018 йилнинг "Ўзбекистон йили" деб эълон қилингани ўзбек халқига ҳурмат ҳамда юксак эҳтиром рамзи эканлигини қайд этишди.
— Бир теран томирдан сув ичган икки халқнинг кенг ва чуқур маъноли маданияти, урф-одатлари, қадриятлари бир-бирига туташ, ўзаро ҳамоҳанг ва уйғун, — деди К. Садирбаева. — Биргина "Алпомиш" достонини оладиган бўлсак, унинг ўзбекча ва қозоқча талқинлари бўлиб, иккиси ҳам китобсеварларга мардлик, матонат ҳамда бағрикенглик туйғуларини сингдиради. Ўзбекистон Республикаси Президентининг "Буюк қозоқ шоири ва мутафаккири Абай Қўнонбоев ижодий меросини кенг ўрганиш ва тарғиб қилиш тўғрисида"ги қарори икки давлат ўртасидаги ўзаро дўстлик ва ҳамкорлик муносабатлари янги босқичга кўтарилаётганлигининг амалий ифодасидир. Жанубий Қозоғистон вилоятида 2003 йил асос солинган ўзбек драма театри бугун у ерда истиқомат қилаётган ўзбеклар маънавий-маърифий ҳаётида муҳим ўрин тутади. Улар Қозоғистонда яшовчи ўзбек халқининг маданияти ва урф-одатларини кенг тарғиб қилмоқда. Юртингизда муқаддас қадамжолар ҳам обод этилаётганлиги таҳсинга лойиқдир. Жумладан, Сейтқул авлиё ҳамда Айтеке Би мақбаралари кўркам ҳолатга келтирилгани Ўзбекистонда миллатлараро бағрикенгликнинг нақадар муҳим аҳамиятга эга эканлигини кўрсатмоқда.
Шу ўринда таъкидлаш жоизки, айни кунда вилоятимизда 80 дан зиёд қозоқ тилида ўқитиладиган умумтаълим мактаблари бўлиб, бу масканларда қозоқ миллатига мансуб йигит-қизлар таълим-тарбия олмоқда. Ўзбекистон Республикаси Президентининг 2017 йил 25 апрелдаги "Навоий вилоятининг олис чўл туманлари аҳолиси турмуш даражасини янада оширишга доир қўшимча чора-тадбирлар тўғрисида"ги қарорига асосан, жорий ўқув йилида 165 нафар маҳаллий ва қардош миллат ёшлари олий таълим муассасаларига талабаликка қабул қилинди.
— Юртимиздаги олий таълим даргоҳларида 4 минг нафар ўзбекистонлик ёшлар таҳсил олмоқда, — дейди Қозоғистон Республикаси Таълим ва фан вазирлигининг Халқаро ишлар бўйича вице-президенти З. Торебекова. — Яқинда иқтидорли, ташаббускор, изланувчан 18 нафар қозоқ йигит-қизлари Ўзбекистоннинг диққатга сазовор жойларида бўлишди. Ушбу туристик саёҳат қўшни мамлакат ёшларини бирлаштириш, фикр алмашишида муҳим аҳамият касб этди.
— Бизнинг олий ўқув юртимизда барча шароитлар етарли, — дейди Қарағанда иқтисодиёт университети проректори М. Абдукимова. — Хусусан, бакалавр, магистратура ва докторантура босқичлари мавжуд бўлиб, талабалар замонавий ахборот технологияларини чуқур ўрганишлари, халқаро стандартлар даражасида таълим олишлари мумкин. Улар учун масофадан туриб ҳам таҳсил олиш имконияти яратилган.
Куннинг иккинчи ярмида НДКИда Қозоғистон ва Ўзбекистон олий таълим муассасалари ўртасидаги ҳамкорликни кучайтириш масалалари муҳокама қилиниб, меморандум имзоланди.
Тадбирнинг иккинчи куни меҳмонларнинг қадимий Бухоро шаҳрига саёҳати режалаштирилган.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Rental properties
The list of available empty and unfinished areas of the state
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а